Këshilli për Bashkëpunim Rajonal ka njoftuar hapjen e nominimeve për Gratë Sipërmarrëse të Vitit në Ballkanin Perëndimor 2024. Kjo është një ngjarje që ndodh për të katërtin vit radhazi. Do të jenë gjashtë gra sipërmarrëse nga ballkani Perëndimor që do të nderohen për arritjet e tyre në fushën e biznesit.
Këto nominime do të kenë mundësi t’i bëjnë individë, përfaqësues të institucioneve publike dhe private, organizata dhe palë të tjera të interesuara. Do të jenë gjashtë kategori: Sipërmarrëse e Gjelbër, Sipërmarrëse Artistike, Sipërmarrëse në ICT, Sipërmarrëse e Re, Sipërmarrëse në Turizëm, Ylli Social (Sipërmarrëse).
Koha për nominime është e kufizuar, janë të hapura deri më 21 shkurt 2025. Më pas do jetë një proces përzgjedhjeje që do të kryhet nga anëtarët e jurisë, i cili do të pasojë me fitueset që do të ftohen të marrin pjesë në ceremoninë përfundimtare.
Për t’u kualifikuar, të nominuarat duhet të jenë shtetase të një prej ekonomive të Ballkanit Perëndimor dhe të kenë një biznes të regjistruar deri më 31 janar 2024.
Për të gjithë të interesuarit, do të jetë një formular i pajisur me informacione të detajuara mbi kërkesat, kategoritë dhe procesin e përzgjedhjes, mund të gjenden këtu.
Gratë sipërmarrëse fituese do të bëhen pjesë e Rrjetit Rajonal të Grave në Sipërmarrje dhe do të kenë mundësi për promovim, pjesëmarrje në aktivitete të rëndësishme rajonale dhe mentorim sipas kërkesës përmes një platforme të dedikuar për mentorim dixhital.
Kjo iniciativë për Gratë Sipërmarrëse të Vitit në Ballkanin Perëndimor u lançua në vitin 2022 për të promovuar gratë që kanë themeluar dhe zhvilluar me sukses bizneset e tyre, duke kontribuar në krijimin e vendeve të reja të punës dhe të qëndrueshme në rajon.
Në tre edicionet e mëparshme kanë qenë 18 gra sipërmarrëse që kanë fituar titullin prestigjoz.
Për më tepër, vitin e kaluar, gjashtë gra të jashtëzakonshme u nderuan me një çmim të veçantë nga juria për kontributet e tyre unike.
Ky vlerësim organizohet si pjesë e Planit të Veprimit të Tregut të Përbashkët Rajonal 2025–2028 dhe Agjendës së RCC-së për Fuqizimin Ekonomik të Grave, dhe financohet nga Bashkimi Evropian.
Për më shumë informacion mbi fitueset e mëparshme, vizitoni Këshilli për Bashkëpunim Rajonal | Gratë Sipërmarrëse të Vitit në Ballkanin Perëndimor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
