Hapen aplikimet për : “100 praktikat më të mira qarkulluese nga Ballkani Perëndimor”

EU4Innovation dhe partnerët kanë kënaqësinë të shpallin hapjen e iniciativës “100 praktikat më të mira qarkulluese” për rajonin e Ballkanit Perëndimor! Kjo nismë synon të identifikojë dhe promovojë 100 shembuj të suksesshëm nga kompani apo organizata në të gjashtë vendet e BP-së, të cilat kanë integruar me sukses zgjidhje qarkulluese në modelet e tyre të biznesit, ose që kanë ndërtuar të gjithë modelin e tyre mbi parimet e ekonomisë qarkulluese.

Praktikat më të mira do të përzgjidhen bazuar në kritere të qarta si: ndikimi i zgjidhjes, potenciali për shkallëzim, qëndrueshmëria ekonomike, mundësia për t’u replikuar në vende të tjera, si dhe niveli i inovacionit dhe kreativitetit.

Përfitimet e përzgjedhjes në këtë iniciativë

Kompania/organizata juaj dhe praktika që aplikoni do të marrin vëmendje të veçantë përmes:

• Promovimit në profilin zyrtar të EU4Innovation dhe partnerëve në LinkedIn, ku secilit rast do t’i dedikohet një postim i veçantë;

• Përfshirjes në faqen zyrtare të Hub-it (lançimi pritet në Gusht/Shtator);

• Shpërndarjes së publikimit përfundimtar me 100 rastet e përzgjedhura përmes rrjeteve tona (dhomat e tregtisë, partnerët, RECONOMY), nëpër evente dhe konferenca, si dhe te donatorët dhe investitorët potencialë;

• Njohjes zyrtare për kontributin dhe angazhimin tuaj në kalimin drejt një ekonomie qarkulluese.

Lexo edhe:AKSK dhe ACTI lidhin marrëveshje për të fuqizuar sigurinë kibernetike dhe inovacionin në Shqipëri

Si të bëheni pjesë e 100 praktikave më të mira?

• Plotësoni formularin e aplikimit me informacionet dhe detajet e kërkuara;

• Prisni konfirmimin nga ana jonë për përzgjedhjen tuaj dhe për hapat e mëtejshëm drejt publikimit.

Edhe në rastet kur aplikimet nuk përzgjidhen për botimin final, ato do të kenë mundësinë të publikohen në seksionin Resources -> Good practices në faqen e Hub-it, si modele të vlefshme për t’u ndarë.

Aplikimet janë të hapura për bizneset dhe organizatat që duan të shfaqin impaktin e tyre.