Presidenti Vladimir Putin ka firmosur disa projektligje që e vlerësojnë përhapjen e “fake news” online si një krim kundër shtetit që duhet dënuar, raportohet nga media ruse.
Legjislacioni do të japë ndëshkime për përhapjen e informacionit që “nxit mosrespektimin e shoqërisë, qeverisë, simboleve zyrtare qeveritare, ligjeve, kushtetutës dhe organeve qeveritare të Rusisë”.
Lajmet online dhe përdoruesit e internetit që përhapin “fake news” do të përballen me gjoba deri në 22,900 dollarë për fyerje të përsëritura.
Ofendimi i simboleve të shtetit dhe autoriteteve, përfshirë Putin, do të gjobiten deri në vlerën e 300,000 rublave dhe do të ndëshkohen me 15 ditë burgim për përsëritjen e tyre.
Gjobat janë të llogaritura bazuar në prejardhjen e ofenduesit, nëse ai është qytetar, një zyrtar apo person juridik.
Vëzhgues dhe disa ligjvënës e kanë kritikuar legjislacionin për gjuhën dhe potencialin e tij të paqartë për të frenuar fjalën e lirë.
Më shumë se 100 gazetarë dhe figura publike, kanë firmosur një peticion kur këtij ligji, të cilin e quajnë “censurë direkte”.
Kremlini, megjithatë, mohoi se legjislacioni ka lidhje me censurën.
“Lajmet e rreme dhe ofenduese janë një temë jo shumë e pëlqyer në shumë vende të botës përfshirë dhe Europën. Prandaj ne e pamë të nevojshme të merrnim masa edhe në vendin tonë,” tha zëdhënësi i Kremlinit Dmitri Peskov.
Ligjet më të rrepta të internetit të prezantuara gjatë pesë viteve të fundit, kërkojnë që motorët e kërkimit të fshijnë disa rezultate kërkimi, shërbime të mesazheve për të shpërndarë çelësa të kodimit me shërbimet e sigurisë dhe rrjetet sociale për të ruajtur të dhënat personale të përdoruesve në serverë brenda vendit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
