Ndërkohë që industria zviceriane e orave po përgatitet të hyjë në vitin e katërt pa rritje, prodhuesit e mëdhenj, si Richmont, që prodhon Cartier, janë duke reduktuar prodhimin.
Prodhuesit e vegjël ndërkohë janë në kërkim të blerësve, në të kundërt rrezikojnë falimentin. Vendi më i madh në Botë prodhues i orave, projektohet se do të regjistrojë një rritje prej 2% të eksporteve vitin e ardhshëm. Kjo normë është e njëjtë me atë të viteve 2013-2014, dhe shumë larg normës mesatare të rritjes prej 20% në vit gjatë viteve paraardhëse.
Ngadalësimi drastik ka detyruar prodhuesit e vegjël të orave që të shkurtojnë forcën puntore. Disa prej prodhuesve të mëdhenj, si Swatch, nuk kanë qenë të përgatitur për këtë kolaps, dhe për të përballuar situatën janë në kërkim të modeleve të reja të fitimit në këtë biznes. Tag hauer dhe Swatch tashmë po investojnë në orat inteligjente. Ekspertët shprehen se situata është mjaft e vështirë, dhe do të mbijetojnë vetëm prodhuesit e mëdhenj.
Tregu zviceran i orave të luksit është dyfishuar që prej fillimit të këtij shekulli, kryesisht falë kërkesës nga tregu kinez. Ky i fundit përbën 50% të blerësve të orave zvicerane. Me ngadalësimin e Kinës, prodhuesit e vendit të vogël europian, kanë parë shitjet dhe fitimet e tyre të fundosen. Eksportet drejt Kinës kanë rënë me 3.2% gjatë këtij viti.
/Scan/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
