Nga Fatima Gorezi
Prej disa muajsh Freskida Halilaj është në krye të IdentiTek. Edhe pse e re në moshë, ajo vjen nga një përvojë e pasur në menaxhim dhe drejtim, e cila e ka formësuar edhe më shumë duke i dhënë të gjitha cilësitë e duhura për të udhëhequr me vendosmëri, pasion dhë përkushtim. Nga kuponi elektronik tek Digital ID duket se vizioni i saj është që të sjellë jo vetëm një frymë perëndimore në IdentiTek, por edhe të jetë pararojë në teknologji dhe inovacion në rajon. Kjo intervistë e sjell më afër lexuesve dhe publikut drejtoreshën e IdentiTek e cila është një shembull për shumë vajza e gra që me kurajo mund t’ia dalin të jenë një zë i fuqishëm edhe në sektorë të dominuar tradicionalisht nga burrat.
Si ishte fillimi juaj në IdentiTek pas rikthimit nga Shtetet e Bashkuara të Amerikës?
Që nga dita e parë në IdentiTek jam ndier në vendin e duhur, ku biznesi, administrata dhe inovacioni bëhen bashkë për të të rritur dhe sfiduar. Rikthimi nga SHBA ishte një miks emocionesh. Nga njëra anë, isha e motivuar dhe e frymëzuar pas një eksperience të jashtëzakonshme në Silicon Valley, ndërsa nga ana tjetër, ekzistonte paqartësia: a do të gjeja hapësirë në Shqipëri për të implementuar vizionin tim? A do të kishte vend për ambiciet e mia? Megjithatë, eksperienca ime në Amerikë u bë një avantazh i madh për pozicionimin tim si drejtore e IdentiTek, por edhe IdentiTek është vendi perfekt për të realizuar vizionin tim. Pra ndodh edhe kështu që gjërat të bëhen bashkë në vendin dhe momentin e duhur. Unë jam mirënjohëse që ndodhem pikërisht aty ku e kam vizualizuar dhe dëshiruar të jem.
IdentiTek ka ndërmarrë disa iniciativa të reja nën udhëheqjen tuaj. Çfarë pritet të shohim më tej? Ka ndonjë projekt që ju emocionon veçanërisht?
Në fillim të muajit prill do të nënshkruajmë një nga arritjet tona më të rëndësishme: zyrtarizimin e Shqipërisë si vendi i 99-të në botë pjesë e ICAO PKD, një sistemi global që rrit sigurinë dhe besueshmërinë e pasaportave biometrike. Kjo do të thotë që pasaportat shqiptare tani mund të verifikohen më shpejt dhe më lehtë në pikat kufitare ndërkombëtare, duke lehtësuar lëvizjen dhe duke rritur sigurinë kundër falsifikimeve.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
