Një ligj i ri që i detyron kompanitë franceze t’u japin punonjësve të drejtën për të injoruar emailet dhe smartphone-ët jashtë orarit të punës, ka hyrë në fuqi nga e diela e 1 Janarit.

“E drejta për tu shkëputur”, një nga të parat e këtij lloji në botë do të detyrojë kompanitë me më shumë se 50 punonjës që të negociojnë me një paketë masash me stafin e tyre se kur duhet të punojnë jashtë orarit të kontraktuar të punës.

Përdorimi i tepruar i smartphone është fajësuar për shkallën e “stresit psikologjik nga lodhja në punë” dhe “pagjumësinë” në mesin e të punësuarve, ku shumë prej tyre janë të pasigurtë në lidhje me faktin se kur ata janë të lejuar ligjërisht për t’a mbyllur telefonin.

Ligji i ri është mirëpritur nga sindikatat e fuqishme tregtare të Francës, të cilët kanë argumentuar se si rrjedhojë e përdorimit të tepruar të smartphone-ve, shumë njerëz punojnë më shumë se kufiri i përjavshëm prej 35 orësh.

Masat u zbatuan nga Myriam El Khomri, Ministri i Punës, i cili porositi një raport në Shtator 2015, që paralajmëroi rreth ndikimeve në shëndet të “info-obezitetit” që prek shumë vende pune.

Burimi: monitor.al