Ka filluar puna në Francë për ndërtimin e “fshatit të Alzheimer”. Me këtë eksperiment Franca synon të përmirësojë jetën e njerëzve me Alzheimer (një çrregullim progresiv që dëmton dhe shkatërron qelizat e trurit, duke çuar në humbjen e kujtesës).
Kompleksi i veçuar do të ndërtohet në Dax të Francës. Ai parashikohet të ketë një qendër shëndetësore, një supermarket, bibliotekë dhe sallon bukurie, palestër dhe fermë.
120 banorët që do të jetojnë në këtë fshat do të kenë lirinë për të lëvizur në mënyrë të sigurtë brenda tij, i cili do të dizejnohet në mënyrë që të mund t’i orientojë banorët.
Banorët do të jetojnë në shtëpi të vogla, të përbashkëta, të organizuara në katër lagje, së bashku me 100 kujdestarë dhe 12 vullnetarë, të cilët do të organizojnë aktivitete.
Një ekip studiuesisht do të jenë pjesë e fshatit. Ata do të jetojnë aty për të kryer hulumtume mes efekteve që do të japë kjo zgjidhje krahasuar me azilin e të moshuarve.
I financuar nga qeveria franceze, fshati pritet të kushtojë gati 29 milionë euro.
Sipas the Telegraph, fshati pritet të bëhet i jetueshëm në fund të vitit të ardhshëm.
Objektivi i kësaj sipërmarrje është të krijohet një ndjenjë normaliteti tek të sëmurët dhe të sigurohet një lidhje e vazhdueshme mes pacientëve me Alzheimer dhe strukturave të kujdesit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
