Forumi Ekonomik Global, Shqipëria ngjitet 13 vende në renditjen globale - Business Magazine Albania

Forumi Ekonomik Global, Shqipëria ngjitet 13 vende në renditjen globale


Renditja e Shqipërisë në raportin e konkurrueshmërisë globale u përmirësua ne 13 vende krahasuar me vitin e kaluar. Forumi Ekonomik Global publikoi raportin e radhës të konkurrueshmërisë globale për vitin 2016-2017. Raporti, e rendit Shqipërinë të 80-ën në 138 vende të marra në studim. Ky është vlerësimi më i mirë në 5 vjet, ndërsa një vit më parë Shqipëria klasifikohej e 93-ta.

Sipas raportit, vlerësimi i ekonomisë shqiptare është përmirësuar nga 3.93 pikë që ishte një vit më parë, në 4.06 pikë në një sistem vlerësimi, ku 1 është ekonomia më e dobët ndërsa 7 konsiderohet ajo më konkurruesja.

Forumi Ekonomik Global vëren se Shqipëria ka shënuar përmirësim në 3 nga 4 shtyllat kryesore, që janë fuqizimi i institucioneve, ambientin makroekonomik dhe shërbimin shëndetësor dhe ai arsimor. Sipas Forumit Ekonomik Global, me këtë renditje ekonomia shqiptare ka lënë pas për nga konkurrueshmëria shumicën e vendeve të rajonit, përfshirë, Greqinë, Serbinë Malin e Zi dhe Bosnjën.

Pjesë e indeksit të konkurrueshmërisë është edhe një vlerësim i detajuar për çdo vend mbi faktorët më problematik të biznesit. Sipas Forumit Ekonomik Global në shqipëri bizneset konsiderojnë si faktorin më problematik korrupsionin. në vendin e dytë renditen barra e taksave dhe në vendin e tretë mungesa e forcës së kualifikuar punëtorë.

Raporti i konkurrueshmërisë globale konsiderohet si një nga treguesit më të plotë mbi gjendjen e një ekonomie duke integruar brenda tij mbi 140 indekse, nga ambienti makroekonomik tek zhvillimi i infrastrukturës dhe treguesit human e social.

Burimi: top-channel.tv

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0