Fondi i BE, 320 mln euro per ligjet, asnje cent per sektorin e energjise

Tirane-Komisioni Europian ka detajuar permes nje dokumenti se ku do te shkojne 649.5 milione eurot qe i jane akorduar vendit tone nga 2014 deri ne vitin 2020 ne kuader te programit IPA II.
Nga 11 miliarde eurot e percaktuara per Ballkanin dhe Turqine, Shqiperia perfiton 649.5 milione euro dhe pothuajse gjysma e tyre shkon per reformat ne fushen e sundimit te ligjit, demokracine e mireqeverisjen dhe respektimin e te drejtave themelore te njeriut.
Nga 320 milione euro per kete sektor, 223 prej tyre shkojne per reformat per demokraci dhe mireqeverisje dhe 97 milione euro te tjera per sundimin e ligjit dhe respektimin e te drejtave themelore te njeriut.
Me pas vjen zhvillimi social-ekonomik me 168 mln euro e ndare ne 56 milione per transportin dhe 44 per konkurueshmerine dhe inovacionin, ndersa ne kete ze nuk eshte parashikuar asnje fond per energjetiken edhe pse eshte nje sektor me mjaft probleme dhe veshtiresi dhe dokumenti qe shoqeron ndarjen e fondeve nga ana e Komisionit Europian nenvizon “nevojen per investime ne energji por edhe ne infrastrukture”.
Per punesimin, politikat sociale, edukimin, dhe promovimin e barazise gjinore e burimet njerezore jane akorduar 69 milione euro dhe pjesa me e madhe shkon per zhvillimin bujqesor me 92 milione euro.
Por ndersa behet publik fondi i ndare ne sektoret e veçanta, Komisioni Europian kujton se perfitimi i tyre kushtezohet nga arritja e 62 rezultateve konkrete per objektivat e secilit sektor, bazuar tek raportet e INSTAT, EUROSTAT, Bankes Boterore si dhe raport-progreset vjetore te Komisionit.
Faktoret qe riskojne arritjen e objektivave per secilin sektor jane burimet e pamjaftueshme njerezore dhe financiare, por edhe korrupsioni, informaliteti dhe klima jo e mire politike.
Ne programin “IPA I” qe u shtri ne vitet 2007-2013, BE ofroi 532.4 milione euro per Shqiperine.