Falë formulës online, themeluesit mund të paraqesin bizneset tek investitorët dhe korporatat, duke qëndruar në shtëpi. Vestbee, platforma kryesore rajonale e matching, që lidh fondet globale të VC, korporatat, përshpejtuesit dhe engjëjt e biznesit me startup-et dhe scaleup-et nga Evropa Qendrore dhe Lindore, lançoi edicionin e ardhshëm të konkursit më të madh rajonal online – CEE Scaleup Challenge. (www.vestbee.com/cee-scaleup-challenge).
Sipërmarrjet e vogla dhe të mesme me rritje të shpejtë nga Evropa Qendrore dhe Lindore dhe DACH (Gjermani, Austri dhe Zvicër), që bëjnë pjesë në para-serinë A, serinë A dhe më gjerë do të kenë mundësinë të fitojnë 1 milion euro investime nga Next Road Ventures dhe të prezantojnë biznesin e tyre para shumë fondeve të njohura të VC dhe korporatave si InnoEnergy, Accel, Balderton Capital, Credo Ventures, Alfabeat, Iron Wolf Capital, bValue, Simpact, PROfounders Capital, Engie, PGE Ventures, Talanx, Amazon apo EIT Digital.
Një nga çmimet speciale, mbështetur nga InnoEnergy, Partner Strategjik i konkursit, është ftesa në Rrugën e Shpejtë të Investimeve të InnoEnergy (Fast Track to Investment) – program i dedikuar për kompanitë e energjisë, cleantech-ut dhe kompanive që punojnë remote.
Scaleup-et e zgjedhura do të marrin mbështetje të drejtpërdrejtë nga rrjeti i gjerë i ekspertëve dhe partnerëve të energjisë, InnoEnergy, në fushat e zhvillimit të teknologjisë dhe industrializimit, ndërkombëtarizimit dhe zgjerimit të tregut, komercializimin dhe zhvillimin e biznesit, stërvitjen, mentorimin dhe më tej mbështetjen për mbledhjen e fondeve. Aplikantët e përzgjedhur do të marrin p.sh. mbulim mediatik nga MamStartup, biletat për evente, përfshirë InfoShare dhe Webit, si dhe shumë çmime speciale dhe zbritje në mjete dhe shërbime të ndryshme biznesi të ofruara nga Amazon Web Services, HubSpot, DigitalOcean, Brand 24, Revolut Business dhe nga kompania ligjore Zieba & Partners.
Kush mund të aplikojë për CEE Scaleup Challenge?
Kompanitë në rritje nga Evropa Qendrore dhe Lindore dhe DACH që përfshihen në para-seritë A, serinë A dhe më gjerë. Veprimtaritë e tyre duhet të përshtaten në kategori të gjera në biznes dheICT, SaaS, AI, Analytics, Big Data, Fintech & Insurtech, Smart Cities & Home, Industry 4.0 & Proptech, Planet & Sustainability, Healthcare & Wellbeing.
Afati i aplikimit është data 29 mars.
Informacione të mëtejshme rreth programit dhe mundësive të pjesëmarrjes mund t’i gjeni në Website, Facebook, Twitter dhe LinkedIn.
Gjithashtu, mund të kontaktoni me specialisten e Zhvillimit të Biznesit dhe Marketingut në Vestbee, Hana Siuta përmes emailit hanna.siuta@vestbee.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
