Përshkallëzohet protesta e fermerëve të Myzeqesë, pas përplasjes që patën të premten e kaluar me policinë.
Sindikata e Fermerëve të Bashkuar ka thirrur të gjithë fermerët e Myzeqesë dhe të zonave përreth në një marshim proteste. Ajo nisi në orën 11: 00 nga vendi i quajtur “Rotondo e Plastmasit” deri para bashkisë së Lushnjës.
Në komunikatën e lëshuar nga Sindikata e Fermerëve të Bashkuar, theksohet se qëllimi i protestës është të sensibilizojë qeverinë dhe opinion publik në lidhje me ndryshimet e paketës fiskale për vitin 2022 në fushën e bujqësisë.
Kërkesat e fermerëve:
1- Të subvencionet direkt fermeri ,jo më pak se 10 lekë për kilogram, të pasqyruar në faturë tatimore.
2-Eksportuesit kërkojnë 3 lekë të reja për kilogram, të jepen direkt nga Drejtoria e Doganave pa procedura burokratike.
3- Barazimi i TVSH-së shitje me TVSH-në e blerjes.
4- Masa e planifikuar në paketën fiskale për vitin 2022 për të shtuar 10% TVSH-në e imputeve bujqësore të pezullohet.
5-Qeveria të marrë masa për të kontrolluar cilësinë e produkteve bujqësore. Të ngrejë laboratore të akredituara të cilat të jenë të aksesueshme nga kushdo.
6- Të rregullohen me ligj marrëdhëniet tregtare në sektorin e bujqësisë midis fermerit dhe tregtarëve të këqinj, të cilët nuk paguajnë faturën në kohë.
Të premten, një grup fermerësh të zonës së Beratit protestuan dhe u përplasen me policinë në rrethrrotullimin e Plugut në Lushnjës, për shkak të çmimeve të larta dhe të pesticidieve dhe plehrave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
