Facebook pranon se i gjurmon njerëzit në internet, duke parë çfarë ata kërkojnë

Facebook ka pranuar se gjurmon njerëzit në internet, duke parë çfarë ata kërkojnë dhe shohin.

Rrjeti gjithashtu gjurmon njerëzit të cilët nuk e përdorin Facebook dhe nuk janë të regjistruar në të. Kjo deklaratë vjen nga një postim në blog i shkruajtur nga drejtori i menaxhimit të produktit në Facebook, David Baser.

Gjatë marrjes në pyetje nga politikanët amerikanë javën e kaluar, Mark Zuckerberg ishte i paqartë në specifikat e gjurmimit të Facebook, duke sugjeruar që të dhënat u grumbulluan kryesisht për të garantuar që Facebook ishte i sigurt. Por është pranuar se ndjekja po përdoret gjithashtu për të përmirësuar reklamat dhe për produktet e tjera.

Kjo ndodh për tre arsye kryesore. Ato përfshijnë ofrimin e shërbimeve brenda Facebook, duke siguruar që rrjeti të mbetet i sigurt dhe “të shtohen produktet dhe shërbimet tona” – një kategori që përfshin ndjekjen e reklamave.

Z.Baser jep një informacion të detajuar se si funksionon secila prej tyre.

“Facebook po i gjurmon njerëzit kur ata drejtohen në faqe të tjera në internet,” shkruan në blogun e tij z. Baser.

Edhe nëse njerëzit nuk po e përdorin Facebook apo nuk janë të regjistruar në të, ai e ka aftësinë që të gjurmojë veprimet e tyre në rrjet.

“Kur ju vizitoni një faqe apo një aplikacion që përdor shërbimet tona, ne marrim informacionin tuaj edhe nëse nuk jeni të regjistruar apo nuk keni një llogari në Facebook,” thotë z. Baser. “Kjo ndodh sepse aplikacione të tjera dhe faqe të ndryshme nuk janë në djeni se kush po e përdor Facebook-un dhe kush jo.”

/Independent