Në mënyrë që të zbulojë një person nga Kalifornia, i cili ngacmonte vazhdimisht vajzat në Facebook, gjigandi i rrjeteve sociale vendosi të ndihmoi FBI-në. Facebook bën të ditur se e ka gjurmuar Buster Hernandez, për vite me radhë. Duke përdorur sistemin e sigurt të operimit Tails, ai ishte në gjendje të fshehte adresën e tij të vërtetë IP-së dhe vazhdoi të kontaktojë dhe ngacmojë dhjetëra vajza në Facebook.
Ekipi i sigurisë i Facebook vendosi të kontraktojë një firmë, për të krijuar një sistem hackimi, që mund të zbulonte adresën e vërtetë të IP-së së këtij personi. FBI shfrytëzoi këtë mjet për të dërguar një video tek llogaria e Hernandez, përmes së cilës ata arritën të mblidhnin prova që çuan në arrestimin dhe dënimin e tij. Në shkurt, Hernandez u shpall fajtor për 41 akuza, duke përfshirë zhvillimin e videove pornografike për fëmijët, kërcënimet për rrëmbime dhe vrasje.
Facebook konfirmoi se ka punuar me ekspertë të sigurisë për të ndihmuar FBI-në. ‘’Ky ishte një rast unik sepse ai po përdorte metoda të tilla të sofistikuara, për të fshehur identitetin e tij. Ne morëm hapa të jashtëzakonshëm të punës me ekspertë të sigurisë, për të ndihmuar FBI-në ta sjellë atë para drejtësisë’’ , tha një zëdhënës i Facebook.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
