Këshilli i Bashkëpunimit Rajonal (RCC) po lançon konkursin e tij rajonal të markës tregtare, online, për idetë dhe zgjidhjet më të mira dixhitale nga Ballkani Perëndimor – Balkathon 5.0. Aplikimet janë të hapura deri më 5 korrik 2024.
Duke u mbështetur në përvojën dhe reagimet nga katër edicionet e kaluara, Balkathon i këtij viti aspiron të jetë edhe më i rafinuar dhe miqësor ndaj konkurrentëve, duke prezantuar mundësi të reja emocionuese për konkurrentët.
Edicioni i pestë i Balkathon fokusohet në idetë dhe zgjidhjet e reja inovative dixhitale në fusha të ndryshme tematike që do të mbizotërojnë konkursin e këtij viti, ndër të cilat sugjerohen: teknologjia e shërbimeve, gjelbërimi dhe energjia, transporti, turizmi dhe bujqësia, por është gjithashtu i hapur për edhe tema të tjera.
Ekipet e përzgjedhura të Balkathon 5.0 do të përfitojnë një program mentorimi dy-ditor me ekspertë të kualifikuar dhe një shans për të fituar një nga gjashtë çmimet prej 7,000 EUR. Fituesit do të kenë gjithashtu një mundësi për të paraqitur idetë e tyre në Samitin Dixhital të Ballkanit Perëndimor të këtij viti dhe për të zbatuar zgjidhjen e tyre në rajonin e Ballkanit Perëndimor.
Lexo edhe:MerrJep Shqipëri: Aplikacioni më i ri për tregtinë online
Për të mbështetur frymën inovative të rinisë sonë që nga mosha e hershme, Balkathon 5.0 po prezanton një veçori të re: dy çmime të veçanta njohjeje prej 4,000 € secili për ekipet e shkollave të mesme të renditura më mirë.
Kush mund të konkurojë?
Balkathon 5.0 është i hapur për ekipe me persona deri në 35 vjeç nga ekonomitë e Ballkanit Perëndimor. Ekipet inkurajohen të përfshijnë në mesin e anëtarëve të tyre individë të kualifikuar si studentë; subjekte juridike, përfshirë bizneset start-up; dhe institucionet joqeveritare e arsimore.
Kur?
Regjistrimi për konkursin është i hapur duke filluar nga 21 Maj deri më 5 korrik 2024. Konkursi final i ndjekur nga shpallja e fituesve në ceremoninë e ndarjes së çmimeve do të mbahet në shtator 2024.
Që nga korriku 2020 kur RCC organizoi konkursin e parë rajonal në zgjidhjet inteligjente dixhitale, kjo iniciativë mbështeti krijimin e 22 produkteve dixhitale origjinale Made in Western Balkans. Vitin e kaluar, RCC shpërbleu shtatë zgjidhje nga rajoni në fushat e turizmit të qëndrueshëm, ekonomisë së gjelbër dhe sipërmarrjes. Mbështetja financiare e ofruar u ka mundësuar ekipeve të zhvillojnë më tej zgjidhjet e tyre dixhitale.
Gjithçka që doni të dini për Balkathon mund ta gjeni në https://www.rcc.int/balkathon/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.