Një ndër ngjarjet më të rëndësishme ekonomike të vitit, Panairi Ndërkombëtar i Tiranës do të zhvillohet nga data 5 deri më 8 nëntor 2025, në Pallatin e Kongreseve, duke shënuar edicionin e tij të 31-të.
I njohur si panairi më i madh shumësektorial në Shqipëri, ky event organizohet nga Klik Ekspo Group dhe mbledh çdo vit qindra kompani dhe përfaqësues nga rajoni dhe më gjerë. Ngjarja ofron një platformë strategjike për prezantimin e risive, lidhjen me liderë të industrive të ndryshme dhe eksplorimin e tregjeve të reja, në një klimë ekonomike në ndryshim të vazhdueshëm.
Edicioni i sivjetëm sjell formate të reja ekspozimi, të krijuara për të rritur ndërveprimin mes pjesëmarrësve dhe për të krijuar mundësi reale bashkëpunimi. Këto risi synojnë të ofrojnë një përvojë më dinamike dhe të përshtatur me sfidat dhe nevojat aktuale të botës së biznesit.
📩 Për të marrë pjesë apo për më shumë informacion, të interesuarit mund të kontaktojnë në adresën: info@klikekspogroup.com.
Ky edicion pritet të jetë një pikë takimi kyçe për tregtinë rajonale dhe ndërkombëtare, ku zhvillimi dhe bashkëpunimi do të jenë në qendër të vëmendjes.
Për më shumë shiko këtu
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
