A është Kosova duke u shndërruar në një nga qendrat më premtuese të kriptovalutave në Ballkan? Kjo është pyetja që do të trajtohet në panelin “Kosovo as a Crypto Hub”, pjesë e ditës së parë të ngjarjes BlockTalk, një forum inovativ që bashkon profesionistë të teknologjisë, startup-e dhe entuziastë të kriptos në Prishtinë.
“Kosovo as a Crypto Hub” do të mbledhë ekspertë të ndryshëm të fushës, të cilët do të ndajnë njohuritë dhe përvojat e tyre për të eksploruar mundësitë që ofron Kosova si një qendër për kriptovalutat. Disa prej tyre janë:
Sedat Citaku, bashkëthemelues i BlockTalk, organizator i ngjarjes dhe një nga zërat më aktivë në edukimin për blockchain. Ai do të kontribuojë me njohuritë e tij në fushën e decentralizuar të teknologjisë dhe mundësitë që ofron Kosova për rritjen e industrisë së kriptovalutave.
Gent Shala, themelues i GAcademy, i angazhuar në fuqizimin e të rinjve përmes edukimit digjital dhe inovacionit, duke sjellë një perspektivë të freskët dhe të rëndësishme për mundësitë që teknologjia mund të ofrojë për brezin e ri.
Shpend Lila, menaxher i eventeve dhe marrëdhënieve me publikun në Innovation Center of Kosovo, një nga institucionet kyçe për zhvillimin e ekosistemit të startup-eve dhe një mbështetës i fortë i rritjes së industrisë teknologjike në Kosovë.
Taulant Papuqi, drejtor i IT dhe infrastrukturës në Concentrix, i njohur për ekspertizën e tij në teknologji dhe transformim digjital, dhe për ekspertizën në infrastrukturën teknologjike që mbështet industrinë e kriptos.
Betim S. Drenica, një ndërmarrës teknologjik dhe arkitekt i njohur i softuerëve me më shumë se 20 vjet eksperiencë. Ai ka luajtur një rol kyç në ndihmën për ndërtimin e startup-eve të suksesshëm dhe krijimin e produkteve të shkëlqyera softuerike.
Memli Krasniqi, Kryetar i Partisë Demokratike të Kosovës dhe deputet, i cili ka pasur një ndikim të madh në zhvillimin e politikave dhe infrastrukturës që mbështesin industrinë e teknologjisë dhe kriptovalutave në Kosovë.
Lab Mehmeti, ekspert në Menaxhim dhe Ekonomi, me një pasbackground të fuqishëm në tregtimin e kriptomonedhave, menaxhimin e ndryshimeve dhe inteligjencën emocionale, duke ofruar njohuri të thella për psikologjinë e vendimmarrjes dhe zhvillimin personal në fushën e kriptos.
Panelet do të eksplorojnë se si një vend i vogël si Kosova, falë popullsisë së re, shpirtit sipërmarrës dhe adoptimit të shpejtë të teknologjive të reja, po krijon një terren të favorshëm për rritjen e industrisë së kriptovalutave. Nga hapat e parë që filluan në vitin 2011 me një grup entuziastësh, deri te përfshirja në rritje e qytetarëve dhe biznesit lokal në vitet e fundit, rrugëtimi i kriptos në Kosovë është tashmë një histori që meriton vëmendje globale.
Regjistrimet janë të hapura në: blocktalkprishtina.com/register
Data: 10-11 Maj 2025
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English