Kongresi Kombëtar i të Rinjve të Kosovës mbështetur nga Friedrich-Ebert-Stiftung ka kënaqësinë të ju ftojë të merrni pjesë në Kongresin e Dytë të Rinisë që do të mbahet të Martën më 24 Shtator 2019 duke filluar nga ora 9:30, Salla e Kongreseve-Hotel Grand, Prishtinë.Kongresi i të Rinjve të Kosovës për herë të parë në një format të tillë do të ketë të pranishëm kandidatët për Kryeministër të partive politike dhe ambasadorë të shteteve mike të Kosovës.
Lexoni: 13 Mënyra se si të rinjtë mund të bëjnë para
Qëllimi i këtij debati është dy dimensional:
• E para, synon të ju ofroj të rinjve një vetëdijësim për rëndësinë e votës dhe fuqinë që kanë, duke shfrytëzuar këtë të drejtë themelore.
• Dhe e dyta, synon që t’i sfidoj subjektet politike mbi përfshirjen e interesave të të rinjve karshi prioriteteve në programet e tyre politike.
Ndër tjerash, Kongresi Rinor ka për qëllim që të inkurajojë dhe të fuqizojë të rinjtë e Kosovës duke u siguruar atyre mundësinë që të bëhen qytetarë aktiv, të cilët marrin pjesë në jetën shoqërore dhe politike.
Pjesëmarrja dhe kontributi i juaj vetem sa do të pasuronte këtë ngjarje dhe do të fuqizonte poziten dhe rolin e të rinjve të Kosovës në proceset vendimmarrëse për të tashmen dhe të ardhmen , për të mirën tonë të përbashkët, për një shtet ku të rinjtë duan të punojnë e të jetojnë dhe të ndërtojnë të ardhmen.
Konfirmimet janë të obligueshme deri me 20.09.2019 në email adresën: [email protected]
