Euro nën 124 lekë. Prodhuesit e universitetet, studim për efektet në ekonomi

Ritmet e vlerësimit të lekut ndaj euros janë përshpejtuar ditët e fundit. Këtë të martë një euro tregtohet me më pak se 124 lekë. Një rekord i ri ky i dhjetë viteve të fundit.

Eksportuesit, tek të cilët po rëndon më shumë zhvlerësimi i Euros, i druhen humbjes së një kontrolli në zhvlerësim e euros të ndikuar edhe nga efekti psikologjik.

Edhe pse nuk ka ende të dhëna zyrtare, dyshohet që në “lojë”po hyjnë edhe tërheqje të mundshme të kursimeve në euro për t’i këmbzer në lekë.

Ekonomistët kanë bërë thirrje këto ditë, se nuk ka asnjë arësye për të cilën duhet të bëhet një veprim i tillë. “1000 euro janë gjithnjë 1000 euro”, thotë prof. Elvin Meka. Ai ka theksuar se fundi, se personat që kanë depozituar paratë në euro, në rastet se duan të bëjnë blerje arrijnë të blejnë të njëjn sasi malli. Meka ka kujtuar gjithashtu, duke iu referuar përvojës së disa viteve më parë, se tërheqja për ti këmbyer paratë do të ishte një gabim, pasi më vonë, po keta depozitues do të kërkojnë t’I rikthejnë paratë në euro,m dhe do të kenë kosto shtesë.

Arben Shkodra, drejtues i Bashkimit të Prodhuesve thotë se, prodhuesit kanë ndërmarrë një studim së bashku me profesorë të universiteteve në vend dhe brenda pak ditësh do të bëjnë publike për qeverinë, pasojat e pritshme të forcimit të lekutr ndaj euros.

Edhe pse kanë parashtruar kërkesë para insitutucioneve, Shkodra thekson se nuk kanë marrë asnjë përgjigje, për arësyet e zhvlerësimit të euros dhe masat e mundshme për të mbrojtur prodhuesit.

Euro është këmbyer mbi 10 vite më parë edhe 122 lekë, por prodhuesit dhe eksportiuesit thonë se asnje herë më parë, zhvlerësimi i euros nuk ka ndodhur me ritmet që po shënohet në këto tre muajt e fundit.

Forcimi i monedhës vendase nga ana tjetër pritet të shoqërohet me rritje të konsumit.  Por, disa ekspertë vlerësojnë se konbsumi nuk pritet të shënojë rritje të dukshmë, pasi çmimet e banesave, zyrave, naftës, e disa lëndëve të tjera bazë po rriten.