Importi i arit në Kinë është rritur me 700 për qind që nga viti 2010. Kina mbetet konsumatori më i madh në botë i metalit të çmuar, thuhet në një raport të publikuar së fundmi në Hong Kong.
Në vitin 2015, Kina ka importuar të paktën 1 mijë tonë ar, ndërsa pesë vjet më parë, importi vjetor qëndronte në nivelin e 100 tonëve.
Sa i përket vitit që lamë pas, vendi i dytë për importin e arit i takon Indisë, me 849 tonë.
Vitin që shkoi, kërkesa për monedhat e arit në Kinë u rrit me 25 për qind në tremujorin e fundit. Kjo shkaktoi zhvlerësimin e monedhës vendase, juan.
Banka Qendrore e Kinës i ka favorizuar depozitat në ar, me qëllim që të shmangen depozitat në dollarë amerikanë, shkruan RT.
Vitin e kaluar, qeveria kineze njoftoi një rritje me 60 për qind të rezervës që arit në krahasim me vitin 2009.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
