Në episodin e dytë të sezonit të tretë të “Think Big”, do të njihemi me historinë e veçantë të një sipërmarrësi që vendosi të sfidojë rrugën e zakonshme të karrierës – dhe të ndriçojë, në kuptimin e plotë të fjalës, industrinë shqiptare. Bëhet fjalë për Erion Yzeirin, themeluesin e Vitalux, një prej kompanive lider në tregun e ndriçimit në Shqipëri.
Themeluar në vitin 2016, Vitalux lindi nga pasioni i një stafi të ri dhe energjik për teknologjinë dhe ndriçimin. Megjithëse themeluesi i saj, Erion Yzeiri, kishte një formim në fushën e marrëdhënieve ndërkombëtare, dëshira për të ndërtuar një biznes inovativ e çoi drejt krijimit të një kompanie që shumë shpejt do të bëhej një ndër liderët e tregut.
Në më pak se një dekadë, Vitalux ka kaluar nga një iniciativë ambicioze në një kompani me praninë e saj të fortë në tregun shqiptar dhe rajonal. Me një portofol të gjerë produktesh teknike dhe dekorative, Vitalux është sot distributori zyrtar i disa prej markave më të njohura ndërkombëtare si GE Lighting, Meanwell, Sylvania Lighting dhe shumë të tjera.
Ajo që e dallon Vitalux në treg është qasja gjithëpërfshirëse ndaj projekteve. Kompania ofron zgjidhje të plota: nga konsulenca dhe dizajni teknik, deri te implementimi dhe mirëmbajtja pas realizimit të projektit. Me një staf të specializuar dhe bashkëpunime të ngushta me partnerë lokalë e ndërkombëtarë, Vitalux garanton cilësi dhe jetëgjatësi në çdo projekt.
Një nga elementët më të rëndësishëm në filozofinë e punës së Vitalux është bashkëpunimi. Kompania operon në sinergji të plotë me arkitektë, projektues, inxhinierë dhe furnitorë për të sjellë zgjidhje moderne dhe efikase që përputhen me nevojat e çdo klienti.
Pas shumë bashkëpunimesh të suksesshme dhe me një rrjet klientësh që i kanë besuar vazhdimisht, Vitalux synon rritjen e mëtejshme në industrinë e ndriçimit, duke sjellë teknologjitë më të fundit dhe standardet më të larta të performancës.
video promo:
5 qershor
Ora 20:15
Premiera Live në kanalin zyrtar të Businessmag Albania, Linkedin dhe Facebook
Për të gjithë ata që humbën episodin e parë. e shihni këtu:
Subscribe në kanalin tonë zyrtar në YT për më shumë episode
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English