Kur shumica e fëmijëve luanin me lodra, Elon Musk lexonte enciklopedi. Kur të tjerët mendonin për ditëlindjen e radhës, ai mendonte si të shpëtonte njerëzimin. Dhe kur bota qeshi me idetë e tij, Musk… e ndërtoi të ardhmen.
Nëse mendon se e njeh Elon Musk…hëm, ndoshta duhet të mendosh sërish. Këto 5 fakte do të të habisin, ndoshta edhe do të të frymëzojnë.
View this post on Instagram
Djali që lexonte botën, 2 libra në ditë
Në një kohë kur interneti sa po zgjohej, një djalë në Afrikën e Jugut po përpinte libra. Deri në adoleshencë, Musk kishte lexuar Encyclopedia Britannica dhe shumë prej klasikëve të fantashkencës. Ai ka thënë: “Lexoja 2 libra në ditë për vite me radhë.” Sot, ky arsenal njohurish është arma e tij më e fortë.
SpaceX gati u shua dhe ai donte t’ia shiste Google-it
Në 2013, ëndrra e Musk për të dërguar njerëz në Mars ishte në rrezik. Raketat dështonin, investitorët largoheshin, dhe financat po shkonin drejt zeros. Në kulmin e dëshpërimit, Musk iu drejtua mikut të tij Larry Page: “Bleje SpaceX!” Fati ndërhyri, raketa e katërt fluturoi dhe shpëtoi gjithçka. Google s’e bleu dot yllin, sepse ai nuk ra.
Po fut teknologjinë në trurin tend, me Neuralink
Nëse mendoje se Musk ndalej me makina elektrike apo raketa…hëm, ndoshta duhet të mendosh sërish. Në janar 2024, kompania e tij Neuralink implantoi çipin e parë në trurin e njeriut. Qëllimi? Të lidhë mendjen me kompjuterin, të kurojë sëmundje neurologjike dhe… të shkruajmë me mendje. “Mendja është portali i së ardhmes,” thotë Musk.
Filloi SpaceX pa asnjë raketë, vetëm me një ide çmendur
Kur themeloi SpaceX në 2002, Musk nuk kishte kontrata, inxhinierë me përvojë dhe as ndonjë plan konkret. Kishte vetëm një qëllim: të bëjë njerëzimin species ndërplanetare. Sot, SpaceX është e vetmja kompani që dërgon njerëz në hapësirë më shpesh se NASA.
Frymëzimi i tij? Fantashkenca!
Nuk ishin universitetet që formësuan vizionin e Elon-it. Ishin librat si “Foundation” i Asimov, “The Hitchhiker’s Guide to the Galaxy”, dhe “The Lord of the Rings” që e mësuan me idenë se edhe një njeri i vetëm mund të ndryshojë rrjedhën e historisë. Sot, ai po e provon këtë, një raketë, një çip dhe një ide njëkohësisht.
Elon Musk është më shumë se miliarder apo CEO. Ai është prova që kur vizioni bashkohet me guximin, mund të krijosh të ardhmen me duart e tua. Jo për të ndjekur botën, por për ta ridizajnuar atë.
Nëse do të zgjidhje vetëm një nga këto fakte… cili të habiti më shumë?
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
