Elon Musk bleu Twitter. Adoleshenti “gjurmues” ka “frikë” për mbylljen e llogarisë - Business Magazine Albania

Elon Musk bleu Twitter. Adoleshenti “gjurmues” ka “frikë” për mbylljen e llogarisë

Elon Musk predikon lirinw e fjalws, pro adoleshenti qw gjurmon avionin e tij ka “frikw” Pronari i ri i Twitter, Elon Musk thotë se të gjithë do të kenë një vend në platformë, duke përfshirë ata që nuk i pëlqejnë. Megjithatë, një përdorues dyshon se ditët e tij në platformën e mediave sociale janë të numëruara: adoleshenti qw ndjek avionin e tij privat.

Jack Sweeney u tha ndjekësve të tij se ku mund të gjenin llogarinë virale “Elon Musk’s Jet” në platformat e tjera të mediave sociale menjëherë pasi Musk arriti një marrëveshje për të blerë Twitter për 44 miliardë dollarë në një nga marrëveshjet më të mëdha të blerjes në histori.

“Nuk e di se ku mund të shkojë. Elon është shprehur mbi lirinë e fjalës, por në të njëjtën kohë ai ka kontroll. Kështu që ai mund të bëjë diçka për të pezulluar llogarinë time, “tha Sweeney në një intervistë.

Nëntëmbëdhjetë vjeçari Sweeney u bë i famshëm në internet pasi refuzoi 5000 dollarë nga CEO i Tesla-s për të mbyllur llogarinë e tij në Twitter, që gjurmonte lëvizjet e avionit privat të Musk. Musk kontaktoi fillimisht me studentin e kolegjit në Florida në nëntor 2021 për të mbyllur llogarinë për shqetësimet e privatësisë.

Lexo edhe: Elon Musk bleu Twitter. Po tani çfarë pritet të ndodhë?

Megjithatë, Musk – i cili ka një vlerë neto prej 257 miliardë dollarësh sipas Indeksit të Miliarderëve të Bloomberg – nuk iu përgjigj kundërofertës së adoleshentit nga Florida prej 50,000 dollarësh ose një mundësi praktike, dhe llogaria ka mbetur aktive që atëherë.

Tifozët e këtij rrjeti kanë frikë se blerja e Twitter nga Musk mund të shënojë fundin e llogarisë, e cila është bërë një e dashur në internet. Edhe pse ai nuk ka dëgjuar asgjë nga Twitter apo nga Musk, Sweeney tha se CEO i SpaceX zhbllokoi llogarinë e Elon Jet një javë më parë.

Pasi hodhi poshtë një ofertë për t’u bashkuar me bordin e Twitter, Musk ofroi të merrte përsipër kompaninë, e cila është bërë një qendër për diskursin publik, me synimin për ta bërë atë një bastion të fjalës së lirë në internet. Sidoqoftë, Sweeney beson se miliarderi mund të argumentojë se llogaria paraqet një “rrezik sigurie më shumë sesa rrezik për lirinë e fjalës”.

Bloomberg

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0