Kur vjen puna te dizajni i logos së një brandi, shumë nuk është gjithmonë më e mira dhe këto marka minimaliste tregojnë se dizajnet e thjeshta dhe të shkurtra janë mënyra më e mirë për të përçuar një mesazh.
Disa marketer zgjedhin një dizajn intrigues dhe abstrakt, e disa të tjerë zgjedhin teknika minimaliste që përfaqësojnë një imazh të qartë dhe të pastër në mënyrë që njerëzit ta kenë më të thjesht për ta dalluar një produkt. Njësoj si arredimi minimalist i shtëpive moderne, përdorimi i dizajneve të thjeshta dhe shpesh ngjyrat e bardha shërbejnë për të realizuar një paraqitje më të sofistikuar.
Këto marka minimaliste, duke filluar nga shishet transparente të lëngjeve e deri te arkat e frutave, tregojnë se zgjedhja e një dizajni më pak të rrëmujshëm dhe më shumë argëtues shpesh sjell më shumë vëmendje për produktin.
