EdSpot, platforma online që ofron kurse falas

EdSpot, platforma online që ofron kurse falas


 EdSpot është një platformë online e themeluar në Kosovë, e cila ofron kurse falas për nxënësit e  klasave VI-IX, duke ndjekur kurrikulën dhe programin e të gjithë  vitit shkollor.Përveç lëndëve të shkollës fillore, EdSpot do të ofrojë edhe kurse shtesë, për zhvillimin e aftësive të buta, gara të ndryshme për nxënës etj.

Aktualisht, EdSpot ka në dispozicion rreth 70 video mësimore, që janë hartuar nga mësuesja e matematikës, Antigona Kastrati.

Ne kishim planifikuar t’a lançonim EdSpot, në muajin prill, pasi t’i kishim përgatitur edhe kurset për lëndët e tjera, por duke parë se shkollat u mbyllën prej virusit Corona, qëllimi ynë ndryshoi natyrshëm”, thotë bashkë-themeluesja e platformës, Fjolla Dumoshi, për Business Mag.

Qëllimi fillestar dhe kryesor i këtij projekti jofitimprurës, është rritja e qasjes në kurse edukative, ofrimi i kurseve mësimore cilësore me mësues profesionistë, plotësimi i hapësirave në mësim dhe përmirësimi i performancës akademike të nxënësve në përgjithësi.

Lexoni: Mësime online, Ja disa nga platformat që po u vijnë në ndihmë nxënësve

Tashmë, Edspot dëshiron të ofrojë kontribut dhe burime shtesë për mësimin online si dhe të promovojë vazhdimin e mësimit nga shtëpia, në këto rrethana të jashtëzakonshme.

Themeluesit:

Fjolla Dumoshi është diplomuar në Institutin e Medias dhe Gazetarisë në Universitetin e Washington State në Shtetet e Bashkuara të Amerikës dhe ka studiuar Sociologji në Fakultetin Filozofik të Universitetit të Prishtinës.

Agon Topxhiu ka përfunduar studimet bachelor në Fakultetin Ekonomik të Universitetit të Prishtinës dhe  studimet e nivelit Master në Ekonomiks në Universitetin e Heidelbergut në Gjermani.

EdSpot është themeluar në janar të vitit 2020 dhe është lançuar në mars të të njëjtit vit. Projekti EdSpot ka fituar SUSI Alumni Capstone Award, mbështetur nga FHI60 në Washington D.C., në bashkëpunim me Departamentin e Shtetit Amerikan.

“Nxënës, prindër, mësues dhe të gjithë ju, që keni pasion diturinë dhe e shihni atë si shtyllë kyçe për ndërtimin e një shoqërie të shëndoshë e të zhvilluar në çdo aspekt të saj, mos hezitoni të na kontaktoni nëse mendoni se mund të kontribuoni në këtë platformë”, bën thirrje Fjolla.

Për më shumë informacion vizitoni website-n e Edspot duke klikuar këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0