Një shkrim nga Sheki Useini
Dhuna është energji që nuk menaxhohet në mënyrën e duhur apo energji që është jashtë kontrollit tonë. Ajo ka efekt shkatërrues, si për individin ashtu edhe për tërë shoqërinë. Megjithatë, edhe për dhunën ka ilaç – meditimi. Madje meditimin do ta quaja definitivisht një kundërhelm ndaj dhunës. Dhuna nga ana tjetër mund të quhet edhe si një “gjendje e vetëdijes së shfrenuar” dhe kjo vetëdije mund të ndryshohet nëpërmjet meditimit, si dhe mund të shihet si metodë e largimit e të këqijave mentale, shëndetësore apo shoqërore.
Në këtë aspekt meditimi bllokon dhe të mbron nga ngacmuesit e jashtëm, që në fakt e prishin qetësinë shpirtërore, që efekti i së cilës shfaqet në formë të dhunës.
Po përse ndodhë kjo?
Sepse meditimi paraqet një formë efikase të përqëndrimit, nëpërmjet së cilës njeriu lirohet emocionalisht, relaksohet fizikisht dhe qetësohet mendërisht.
Shumë studime tregojnë se të medituarit e rrit vetëvlerësimin, vetëbesimin dhe po ashtu ndikon dukshëm në uljen e stresit dhe ankthit, të cilët në fakt më vonë janë edhe pjesë ushqyese e dhunës, agresionit dhe krimit.
Meditimi mund të ulë prezencën e dhunës dhe krimit në shoqëri në mënyrë të jashtëzakonshme, duke ndikuar jo vetëm në transformimin e individit, por edhe ndryshimin e shoqërisë në përgjithësi.
Studimet e fundit dëshmojnë se me praktikimin e programeve të caktuara të meditimit, në shoqëri ka reduktim të fuqishëm të tendencave negative, ndryshimtë rëndësishëm në uljen e vrasjeve dhe vetëvrasjeve, krimit dhe dhunës në përgjithësi. Pra meditimi ka aftësi të lehtësojë sëmundjet mendore, që drejtëpërdrejtë janë“paraloja” e shfaqjes së dukurive të lart-përmendura.
Pa hamendje mund të mendohet se meditimi mund tëpërdoret edhe për evitimin e konflikteve sociale, kërcënimeve, zbutjen e luftërave dhe terrorizmit në përgjithësi. Me fjalë të tjera, meditimi mund ta bëjë botën një vend më të mirë – më pak agresive e të dhunshme, duke shtuar më shumë dashuri dhe dhembshuri në këtë planet.
Personalisht jam i mendimit se për momentin shoqëritë janë në një stres të paparë, duke filluar që nga periudha e Covidit dhe ky lloj stresi kolektiv është shpesh nxitësi sukseshëm i shpërthimeve të dhunës, duke krijuar trazira sociale dhe protesta të rrezikshme.
Praktikimi i meditimi definitivisht do ta zvogëloj dhe neutralizojë stresin në vetëdijen kolektive, dhe me këtë edhe do ta largojë dhunën nga individi, familja dhe shoqëria në përgjithësi.
Në fund të këtij shkrimi më pëlqen ta citoj Dalai Lamën – “Nëse çdo tetëvjeçari në botë i mësohet të meditojë, bota do të jetë pa dhunë brenda një brezi“.
Ne lëvizim drejt epokës, ku meditimi nuk do të jetëvetëm luks i disave, por definitivisht njëdomosdoshmëri për secilin, kushtimisht nëse duam njëbotë më të mirë për të jetuar!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
