Kompania satelitore franceze Eutelsat nuk do të shpërndajë fitime për aksionerët e saj për dy vite, në mënyrë që të investojë në zhvillimin e rrjetit satelitor të rivalit britanik OneWeb, si pjesë e një marrëveshjeje të përbashkët për bashkimin e dy grupeve, thanë kompanitë të martën.
Marrëveshja e propozuar krijon një konkurrent më të fortë europian për Starlink të SpaceX-it në pronësi të Elon Musk dhe Projektin Kuiper të Amazon.com, duke ofruar lidhje hapësinore me brez të gjerë për këdo, nga ushtria tek ata që jetojnë në zona të izoluara.
Lexo edhe: SpaceX i Elon Musk ka aktivizuar më shumë se 5000 terminale interneti Starlink në Ukrainë
Sipas transaksionit, i cili vlerëson OneWeb në 3.4 miliardë dollarë, aksionerët e OneWeb do të marrin aksione të reja të emetuara nga Eutelsat në këmbim të aksioneve të tyre, në atë që është në fakt një blerje nga kompania franceze e asaj britanike.
Megjithatë, duke reflektuar ndjeshmërinë politike, marrëveshja është cilësuar si një bashkim i të barabartëve. Ai pritet të mbyllet brenda nëntë muajve të ardhshëm në pritje të miratimit, pas hetimit nga autoriteti konkurrencës.
Aksionerët e të dy kompanive do të zotërojnë 50% të entitetit të kombinuar dhe të dy kompanitë do të mbajnë selitë e tyre përkatëse në Britani dhe Francë, ndërsa grupi i bashkuar, i listuar në Francë, do të aplikojë gjithashtu për një listim në Londër./ Reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
