Në akuzat e ngritura në San Francisko dyshohet se agjentët sauditë kanë kërkuar informacion personal për përdoruesit e Twitter, duke përfshirë edhe kritikët e njohur të qeverisë saudite.
Dokumentet e gjykatës kanë identifikuar të dy personat si Ahmad Abouammo, shtetas amerikan dhe Ali Alzabarah nga Arabia Saudite.
Personi i tretë, qytetar saudit, Ahmed Almutairi, gjithashtu është akuzuar për spiunazh.
Lexoni gjithashtu:
Drejtori ekzekutiv i Twitter tallet me logon e re të Facebook-ut
E përditshmja amerikane, The New York Times ka thënë se është hera e parë që qytetarët sauditë janë akuzuar për spiunazh brenda Shteteve të Bashkuara.
Gjiganti Twitter ka deklaruar se është në dijeni “për shkallën në të cilën mund të arrijnë aktorët e këqij” për të minuar shërbimet e rrjetit social.
Arabia Saudite është shtet aleat i Shteteve të Bashkuara në Lindjen e Mesme.
Presidenti amerikan Donald Trump, ka krijuar marrëdhënie të ngushta me Mbretërinë Saudite, pavarësisht se kjo e fundit është dënuar ndërkombëtarisht për vrasjen e gazetarit Jamal Khashoggi, vitin e kaluar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
