DuaCrypto, promovimi i pavarësisë financiare përmes kriptomonedhave dhe blockchain

Në botën dinamike të kriptomonedhave dhe teknologjisë blockchain, shumë iniciativa kanë filluar të ofrojnë mundësi për ata që duan të eksplorojnë dhe investojnë në këtë hapësirë. Një nga këto platforma është DuaCrypto, e cila ka një vizion të qartë për të ndihmuar individët të bëhen të pavarur financiarisht. Për të mësuar më shumë rreth këtij projekti dhe qëllimeve të tij, kemi biseduar me Dorian Kanen, i cili ndan me ne sfidat, mundësitë dhe planet e ardhshme për këtë platformë.

• Cili ishte motivi kryesor pas krijimit të DuaCrypto dhe çfarë boshllëqesh në treg synon të mbushë?

DuaCrypto u krijua me qëllimin për të promovuar pavarësinë financiare individuale, duke reduktuar varësinë nga bankat qendrore dhe ato komerciale. Përmes edukimit dhe burimeve mbi kriptomonedhat, DeFi dhe teknologjinë blockchain, synon të ndihmojë individët të kuptojnë dhe të përfitojnë nga sistemi i ri financiar i decentralizuar.

• Si e përkufizoni misionin tuaj në edukimin dhe sigurinë e komunitetit të kriptomonedhave?

DuaCrypto synon të ndihmojë individët të bëhen të pavarur nga bankat tradicionale dhe sistemet financiare qendrore. duacrypto ofron edukim dhe burime për të kuptuar dhe përdorur teknologjitë financiare të decentralizuara, si kriptomonedhat dhe DeFi, për të krijuar mundësi financiare më të drejta dhe të hapura për të gjithë.

• Cilat janë sfidat kryesore që shihni në edukimin mbi DeFi dhe sigurinë në blockchain?

Sfida kryesore në edukimin mbi DeFi dhe sigurinë në blockchain janë:

1. Mungesa e njohurive: Përdoruesit kanë informacion të kufizuar dhe kanë vështirësi në kuptimin e teknologjive dhe mundësive që ofron DeFi.
2. Siguria dhe rreziqet: Rreziku i hack-ëve dhe dobësive në kontratat inteligjente.
3. Përceptimi i rrezikut: Përdoruesit kanë frikë nga humbjet financiare dhe mungesën e besimit në sistemet e decentralizuara.

• Si ndihmoni individët dhe bizneset të kuptojnë dhe zbatojnë praktikat më të mira të Anti-Money Laundering (AML)?

AML (Anti-Money Laundering) është shumë e rëndësishme për të siguruar që transaksionet e tua në kriptomonedha janë të pastra dhe në përputhje me ligjet dhe rregulloret e vendit. Ky proces ndihmon individët dhe bizneset të shmangin përfshirjen në aktivitete të paligjshme dhe të mbrojnë investimet e tyre.

Për të ndihmuar në kuptimin dhe zbatimin e praktikat më të mira të AML, duhet të sigurohesh që:

1. Ndjekja e rregullave: Përdoruesit duhet të kenë një kuptim të qartë të rregulloreve dhe t’i ndjekin ato për të siguruar që fitimet e tyre janë të ligjshme dhe mund të deklarohen në mënyrë të saktë.
2. Deklarimi i fitimeve: Në momentin që vendos të shesësh, është e rëndësishme që fitimet e tua nga kriptomonedhat të jenë të pastra dhe të mund të deklarohen pa problem.
3. Siguria e investimeve: Zbatimi i masave të sigurisë për të parandaluar aksesin e paautorizuar dhe mbrojtjen e portofolit të decentralizuar. Nëse ndodhin aksidente si hack-ime, është e rëndësishme të kesh mundësinë të provosh që paratë nuk janë fituar në mënyrë të paligjshme.
4. Raportimi te autoritetet përkatëse: Nëse dyshohet për aktivitete të paligjshme, është e rëndësishme të raportohet tek autoritetet përkatëse për të siguruar që investimet janë të pastra dhe të mbrohen nga ligjet e vendit.

• Si kanë ndikuar bashkëpunimet tuaja me platforma si Nansen, Chainalysis dhe Elliptic në forcimin e sigurisë dhe analizës on-chain?

Bashkëpunimet me platforma si Nansen, Chainalysis dhe Elliptic kanë kontribuar në forcimin e sigurisë dhe analizës on-chain duke ofruar mundësi të avancuara për analiza të detajuara dhe luftë kundër aktiviteteve të paligjshme.

Nansen: Përdorim këtë platformë për të përforcuar inteligjencën e on-chain dhe për të ndihmuar investitorët dhe ekipet e kriptomonedhës të marrin vendime të informuara. Nansen ofron mjete për të analizuar dhe interpretuar të dhënat on-chain për të identifikuar sinjale të rëndësishme dhe mundësi investimi.

Chainalysis: Kjo platformë është thelbësore për të luftuar mashtrimet dhe hackerët në kripto, duke siguruar provë dhe histori të veprimeve të dyshimta në blockchain. Chainalysis ofron mjete për të ndërtuar besim në blockchain dhe për të përmbushur kërkesat e AML dhe compliance, duke ofruar informacion të detajuar për institucione dhe autoritete ligjore.

Elliptic: Ne përdorim Elliptic për të ofruar analizë të thellë të kriptoaktiveve dhe për të siguruar që bizneset dhe individët të ndjekin rregullat e compliance. Gjithashtu, përdorim Elliptic për trajnime dhe certifikime që ndihmojnë institucione financiare, rregullatorët dhe platformat e kriptomonedhës të kuptojnë dhe zbatohen rregullat e sigurisë dhe compliance në blockchain.

Nëpërmjet këtyre platformave, ne forcojmë sigurinë, mbrojmë përdoruesit nga aktivitete të dëmshme dhe sigurojmë që të gjitha transaksionet dhe veprimet të jenë të pastra dhe në përputhje me ligjet dhe rregulloret globale.

• Si e shihni rolin e inteligjencës artificiale dhe analizës së të dhënave në përmirësimin e sigurisë në hapësirën e kriptomonedhave?

Roli i inteligjencës artificiale (AI) dhe analizës së të dhënave po bëhet gjithnjë e më i rëndësishëm në hapësirën e kriptomonedhave. Aktualisht, janë duke u zhvilluar prova dhe implementime që e integrojnë AI me monedha të ndryshme dhe blockchain-e të ndryshëm. Një nga përdorimet më të avancuara janë agjentët autonom që mund të kryejnë operacione të caktuara për projekte të ndryshme. Për shembull, mund të kesh një agjent autonom të bazuar në modele të avancuara, i cili mund të bëjë investime në kohë reale për ty, duke përdorur parametra të caktuar që vendos. Ky lloj sistemi mund të optimizojë proceset dhe të ofrojë mundësi të reja për investitorët, duke përmirësuar gjithashtu sigurinë dhe transparencën në tregjet financiare digjitale.

• Si mund të bëhet dikush pjesë e DuaCrypto dhe çfarë përfitimesh merr nga komuniteti?

Për t’u bërë pjesë e DuaCrypto, është shumë e thjeshtë. E para, duhet të kesh një dëshirë për të mësuar rreth kriptomonedhave, sepse nuk është gjithçka vetëm për investime. Kriptomonedhat ofrojnë mundësi të ndryshme, përfshirë mundësi pune në kompani që ofrojnë shërbime në këtë hapësirë, si dhe mundësi për të kontribuar në projekte dhe ekosisteme të tjera.

Për t’u bashkuar, thjesht ndiqni DuaCrypto në rrjetet sociale dhe bëhuni pjesë e grupeve që kemi në Telegram, WhatsApp dhe Discord. Këto grupe janë të dobishme për ata që janë më të specializuar në këtë fushë dhe dëshirojnë të rrisin njohuritë e tyre dhe të përfitojnë nga mundësitë që ofron komuniteti.

• A ka DuaCrypto plane për zgjerim ndërkombëtar ose bashkëpunime me rregullatorë për të rritur standardet e sigurisë në industrinë e kriptomonedhave?

Për zgjerimin ndërkombëtar: DuaCrypto ka plane për të zgjeruar ndihmën dhe komunitetin ndërkombëtar. Ne kemi shumë ndjekës që na mbështesin dhe kemi marrë mbështetje edhe nga shqiptarët e tjerë në vende të ndryshme të botës. Në bashkëpunim me Bitget, një nga 5 shkëmbimet më të mëdha të kriptomonedhave, po organizojmë takime fizike në Tiranë për të rritur angazhimin global.

Për bashkëpunimin me rregullatorët: Ne synojmë të bashkëpunojmë me rregullatorët për të ndihmuar në krijimin e rregullave të qarta për shkëmbimin e monedhave dhe për të krijuar mundësi të qëndrueshme në industri. Kjo përfshin rregullimin e taksave për fitimet nga kriptomonedhat dhe mundësimin e shkëmbimeve më të shpejta dhe të pastra.

• Si e parashikoni të ardhmen e rregullimit të kriptomonedhave dhe çfarë ndikimi mund të ketë në treg?

Tregu i kriptomonedhave ka një potencial të madh për rritje dhe zgjerim, pasi po merr mbështetje të madhe dhe është një treg global që është i aksesueshëm nga çdokush me një pajisje. Ky zhvillim i mundëson individëve, përmes platformave si DuaCrypto, të jenë pjesë e komunitetit dhe të angazhohen në këtë industri. Sipas parashikimeve, kriptomonedhat do të kenë më shumë stabilitet në të ardhmen, veçanërisht për monedhat kryesore (top 100), dhe luhatjet e çmimeve do të jenë më të kontrolluara, duke e bërë tregun më të besueshëm për investitorët dhe përdoruesit globalë.

• Cila është këshilla juaj për individët dhe bizneset që duan të eksplorojnë DeFi dhe investimet në blockchain në mënyrë të sigurt?

Këshilla jonë për individët dhe bizneset që duan të eksplorojnë DeFi dhe investimet në blockchain në mënyrë të sigurtë është që të fillojnë me një konsultë për të kuptuar rreziqet dhe masat e sigurisë që duhet të dinë. Investimi në kriptomonedha është si mbajtja e një portofoli personal, ku përgjegjësia për sigurinë është e tëra e individit. Është shumë e rëndësishme të kuptoni si të menaxhoni dhe mbrojeni asetet tuaja në këtë sistem financiar të decentralizuar. Një takim me ne në DuaCrypto mund të ofrojë informacion të vlefshëm për hapat që duhen ndjekur për të hyrë dhe investuar në këtë treg të sigurt.