Dua Lipa viziton Shqipërinë, në fokus rindërtimi i kopshtit të ri në Tiranë “Sunny Hill Kindergarten” - Business Magazine Albania

Dua Lipa viziton Shqipërinë, në fokus rindërtimi i kopshtit të ri në Tiranë “Sunny Hill Kindergarten”

rindërtimi i kopshtit

Fituesja e shumëfishtë e çmimeve “Brit Awards” dhe “Grammy”, artistja me origjinë shqiptare Dua Lipa duket se ka krijuar një lidhje të veçantë me Tiranën pas vizitës së saj. Përpos kopshtit të rindërtuar për fëmijë që do të mbajë emrin e fondacionit të saj “Sunny Hill”, artistja me famë botërore ka paralajmëruar një projekt muzikor në Tiranë gjatë vitit të ardhshëm.

Ajo ka qenë e shoqëruar nga prindërit e saj, Dukagjin dhe Anesa Lipa, motra Rina dhe vëllai Gjini, si dhe nga i fejuari i saj, Anwar Hadid. Lipa është takuar me kryebashkiakun e Tiranës, Erion Veliaj dhe kryeministrin Edi Rama.

Në takimin e mbajtur në mjediset e Bashkisë, Veliaj falenderoi këngëtaren 25-vjeçare për ndihmën e saj në rindërtimin e Kopshtit 42, i cili ishte dëmtuar nga tërmeti i para dy vjetëve. Në mënyrë simbolike, ai i ka dhuruar Lipës një targë të personalizuar “Dua 100 TR”, për të cilën ka thënë me humor se është “një mënyrë për ta hapur rrugën më lehtë në çdo postbllok e semafor”.

Gjithashtu, edhe vetë këngëtarja ka ndarë në llogarinë e saj një njoftim në gjuhën angleze, ku ka bërë me dije se “Sunny Hill Kindergarten” do të hapet në shtator. Ajo e ka vlerësuar si nder vizitën në Tiranë për t’i parë nga afër punimet e ndërtimit të këtij kopshti.

“Një nder që jam sot në Tiranë – Shqipëri dhe po shoh punimet për “Sunny Hill Kindergarten” në qendër të qytetit. Pas tërmetit më 2019 dhe me ndihmën e të gjithë juve që bletë bluzat tona ‘Pray for Albania’ që e krijova me miqtë e mi, unë dyfishova fondet që mblodhëm dhe ato para do të shkojnë për mobilimin e gjithë këtij kopshti për 300 fëmijë. Jam mirënjohëse që jam sot këtu me familjen dhe miqtë e mi. Faleminderit Kryeministrit Edi Rama dhe Kryetarit të bashkisë Erion Veliaj për të gjithë ndihmën gjatë këtij procesit. Hapja e kopshtit do të bëhet në 15 Shator 2021. Faleminderit Shqipëri.”

Ndërkohë, mbetet për t’u parë se cilat janë planet e Dua Lipës për organizimin e festivalit Sunny Hill në Shqipëri. Qëllimi i realizimit të këtij festivali është që të mblidhen para për Fondacionin Sunny Hill.

Suksesi i madh u pa që në vitin e parë në Prishtinë pasi pati më shumë se 18 mijë të pranishëm. Aty pati të ftuar artistë nga Shqipëria, Kosova por edhe emra të tjerë të njohur të muzikës, edhe të tjerë me famë ndërkombëtare si Action Bronson dhe Martin Garrix. Ndërsa vitin e dytë, surpriza ishte artistja me famë botërore, Miley Cyrus apo dhe Dj i njohur ndërkombëtar Calvin Harris.

Dua këto ditë në Shqipëri i ka shfrytëzuar edhe për eksplorimin në disa nga qytetet shqiptare dhe ka shijuar disa ditë në bregdetin jugor të vendit.

Dua ka vizituar muzeun e Krujës, Butrintin, si dhe disa nga plazhet e Sarandës, ku ka qenë në shoqërinë e familjes, miqve dhe të dashurit të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0