Kjo vërejtje ishte një ndryshim i vogël i deklaratës së javës së kaluar të Comey se urdhërimi i Apple për të shkyçur telefonin “nuk kishte gjasa që të ishte një pioner” për vendosjen e një precedenti për rastet e tjera.
Dëshmia e të Martës nga Comey dhe vërejtjet para të njëjtit Komitet Gjykues të SHBA-ve nga avokati i përgjithshëm i Apple, Bruce Sewell sollën në Kongres një debat publik ndërmjet Apple dhe qeverisë në lidhje me interesat e privacisë dhe sigurisë që deri më sot ishte dëgjuar vetëm në sallat e gjyqit.
Më 16 Shkurt, një gjykatë federale në Kaliforni udhëzoi Apple për të ndërtuat një softuer special për të shkyçur iPhone 5c të përdorur nga qëlluesi Rizwan Farook, një urdhër që kompania po e konteston.
Vërejtjet e Sewell dhe Comey gjithashtu qartësuan disa fusha ku të dyja palët nuk binin dakord. Comey tha se mjeti i krijuar për këtë iPhone nuk do të funksiononte në modelet e tjera. Por Sewell tha se mjeti që i kërkohet Apple të krijojë do të funksiononte në çdo iPhone.
“Kjo nuk ka lidhje me rastin e San Bernardinos. Kjo ka të bëjë me sigurinë e çdo iPhone-i që është në përdorim sot,” ka thënë Sewell.
Comey ka thënë se Byroja Federale e Hetimeve më tepër se sa të zgjerojë autoritetin e saj të vëzhgimit të qeverisë kërkon të ketë aftësi të marrë informacione elektronike nëpërmjet autoriteteve ligjore që Kongresi ka mundësuar tashmë.
Prokurorja e Përgjithshme e Shteteve të Bashkuara Loretta Lynch në konferencën e sigurisë kibernetike (RSA) në San Francisco tha se ishte e “zhgënjyer” nga autoritetet e Brooklyn, dhe kundërshtoi pretendimet e Apple se Amandamenti i tij i Pestë kundër Vetë-Fajësimit po dhunohej.
Departamenti i Drejtësisë “nuk po pretendon se Apple ka bërë një gabim,” ka thënë Lynch, por po e trajton kompaninë si një palë e tretë e cila mban të dhëna të vlefshme për investigimin në fjalë.
/Publikuar më parë te Entrepreneur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
