TIRANE- Administrata Doganore ben me dije se në muajin Gusht 2014 arrin një ndër shifrat më të larta në vite dhe më të lartën në vitin 2014, duke arkëtuar 14,707 miliardë Lekë, ose 2,251 miliardë Lekë (22 milionë USD) më shumë se Gushti i vitit 2013.
Sipas nje deklarate per media, Doganat njoftojne se Muaji Gusht 2014 karakterizohet nga rritja e ndjeshme e zhdoganimit të mallrave kryesore te akcizës, si karburante, cigare, birre.
“Ky trend me rritje do të karakterizojë administratën doganore dhe në muajt në vazhdim, ndërkohë që po vazhdohet me insistim lufta kundër kontrabandës, evazionit fiskal si dhe shfaqjeve korruptive. Gjithashtu pavarësisht rezultateve shume pozitive te arritura gjatë fushatës se ndërmarrë mbi mallrat e akcizës, kjo fushë do të mbetet prioritare në veprimtarinë e strukturave doganore”- theksohet ne njoftim.
Karburante – në muajin Gusht 2014 u zhdoganuan 55038 ton përkundrejt 43729 ton të zhdoganuara në muajin Gusht të vitit paraardhës me një rritje prej 25.9%
Cigare – në muajin Gusht 2014 u zhdoganuan 344.17 ton përkundrejt 302.20 ton te zhdoganuara në muajin Gusht të vitit paraardhës me një rritje prej 13.9%
Birrë – prodhimi vendas, në muajin Gusht 2014, u zhdoganuan 7122 h/l përkundrejt 6066 h/l të zhdoganuara në muajin Gusht të vitit paraardhës, me një rritje prej 17.4%
Për periudhën Tetor 2013 – Gusht 2014 janë arkëtuar 138,7 miliardë Lekë nga 122,8 miliardë Lekë të arkëtuara në të njëjtën periudhë paraardhëse, me një rritje prej 15,9 miliardë Lekë, ose 13% më shumë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
