Bota e koorporatave po kërkon vazhdimisht mënyra për të rritur produktivitetin e punonjësve dhe shumë herë ndermarrin teknika shumë të shtrenjta që thjesht nuk prodhojnë rezultatet e dëshiruara. Një nga metodat më të pashfrytëzuara për përmirësimin e moralit të punonjësve është zbukurimi i vendit të punës dhe lulet e zyrës janë një teknikë ideale që ngjall një shfaqje piktoreske dhe tërheqëse.
Nga lehtësimi i stresit deri tek nxitja e kreativitetit, lulet e zyrës ofrojnë përfitime të shumta që ndikojnë pozitivisht tek punëtorët tuaj.
1. Produktiviteti.
Në një studim të Harvardit , studiuesit zbuluan se lulet e zyrës rrisin nivelet e energjisë së pjesëmarrësve dhe përmirësojnë disponimin e tyre. Madje, shumë nga këta pjesëmarrës raportuan se kjo rritje e energjisë mbeti e lartë gjatë gjithë ditës. Një studim nga Universiteti i Exeter sugjeron se produktiviteti rritet 38 për qind duke përfshirë thjesht lule në zyrë.
2. Vizioni Kreativ.
Dizajni me lule gjithashtu përmirëson shumë të menduarit inovativ. Një ekip kërkimor në Universitetin A&M të Teksasit përpiloi një studim tetë-mujor që shikonte efektet e luleve në mjediset e biznesit. Si burrat ashtu edhe gratë demonstruan nivele më të larta të gjenerimit të ideve dhe rritje të aftësive për zgjidhjen e problemeve. Pjesëmarrësit meshkuj prodhuan 15 për qind më shumë ide kur ishin në një ambient me lule, ndërsa aftësitë krijuese të grave për zgjidhjen e problemeve u përmirësuan shumë.
3. Qetësi.
Nëse vendi juaj i punës është pak i ethshëm, ose nëse disa projekte kanë tendencë të rezultojnë në ankth të punonjësve, konsideroni lulet e zyrës si një mjet për të lehtësuar tensionin. Shumë lule, të tilla si livando, ylang-ylang dhe trëndafili, lëshojnë aroma qetësuese që përdoren gjerësisht në aromaterapi. Aromat e jaseminit dhe të agrumeve me lule lehtësojnë stresin dhe japin energji, gjë që është veçanërisht e dobishme për përmbushjen e atyre afateve kërkuese.
4. Mirëqenia e punonjësve.
Bimët e brendshme ndihmojnë gjithashtu në mbajtjen larg të sëmundjeve. Ftohjet, dhimbjet e fytit, kolla dhe madje edhe lodhja janë treguar të pakësohen me mbi 30 për qind kur njerëzit janë të ekspozuar ndaj bimëve. Bimët përmirësojnë cilësinë e ajrit dhe ndihmojnë në uljen e niveleve të pluhurit dhe toksinave. Lulet e zyrës madje janë vërtetuar se përshpejtojnë kohën e shërimit dhe rikuperimit. Punonjësit më të shëndetshëm do të thotë kosto më të ulëta të kujdesit shëndetësor, më pak ditë të humbura dhe një mjedis pune. simplyelegantcorp
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
