Dhjetori sapo ka hyrë dhe me të edhe atmosfera e festave, dritat vezulluese, pritshmëritë e fundvitit dhe dëshira për të krijuar kujtime të bukura. Në këtë periudhë, mes takimeve të punës, darkave të kompanisë dhe përgatitjeve të panumërta, shpesh lind pyetja: Si duhet të vishemi? Dhe përpara kësaj, një pyetje edhe më themelore: Pse duhet të vishemi bukur?
Për të adresuar këto dilema, kemi biseduar me Esmeralda Zoton, eksperte e imazhit, stilit dhe komunikimit vizual, e cila prej vitesh këshillon profesionistë, sipërmarrës dhe drejtues biznesesh për mënyrën se si të ndërtojnë prezencën e tyre vizuale me strategji dhe vetëdije.
Pse është dhjetori kaq i rëndësishëm për stilin dhe veshjen?
Dhjetori është një moment simbolik: mbyll një kapitull dhe hap një tjetër. Është periudha që na shtyn të reflektojmë, të bëjmë bilancin e vitit dhe të projektojmë objektivat e ardhshme. E gjithë kjo shoqërohet me një atmosferë unike, dritat, dekorimet, ngjyrat tradicionale si e kuqja, jeshilja, floriri, që krijojnë një gjendje emocionale të ngrohtë dhe festive. Për këtë arsye, njerëzit ndihen më të motivuar të kujdesen për veten, të eksperimentojnë me veshje dhe të dalin nga rutina e përditshme.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
