Deutsche Bank gjobitet 150 milionë dollarë për lidhje me të dënuarin për krime seksuale Jeffrey Epstein - Business Magazine Albania

Deutsche Bank gjobitet 150 milionë dollarë për lidhje me të dënuarin për krime seksuale Jeffrey Epstein

Banka gjermane “Deutsche Bank AG” u pajtua të martën që të paguajë gjobën prej 150 milionë dollarësh për të zgjidhur çështjet ligjore në ato që cilësohen si, dështime të konsiderueshme të zbatimit të ligjit, në marrëdhëniet me të dënuarin për krime seksuale dhe financierin Jeffrey Epstein.

Departamenti i Shërbimeve Financiare të shtetit të Nju Jorkut tha se banka nuk kishte vëzhguar si duhet transaksionet e financierit Epstein, pavarësisht njohurive publike të përhapura lidhur me krimet e tij seksuale. Departamenti tha se dështimi i “Deutsche Bank AG” çoi në përpunimin e qindra transaksioneve të Epsteinit që duhet të ishin ekzaminuar më me kujdes, përfshi pagesat për viktimat e tij dhe firmat ligjore që përfaqësonin atë dhe bashkëpunëtorët e tij.

Rregullatori i shtetit të Nju Jorkut tha se “Deutsche Bank AG” po ashtu dështoi në marrëdhëniet e tij me “Danske Bank Estonia” dhe “FBME Bank” duke mos vëzhguar siç duhet operacionet e tyre të korrespondencës dhe qartësimit të procedurave.

Gjoba, thuhet në vendimin e sistemit rregullator financiar të Nju Jorkut, është veprimi i parë i zbatimit të ligjit kundër Epsteinit, i cili kreu vetëvrasje në burg në muajin gush, pasi ishte arrestuar një muaj më parë nën akuzat për trafik seksual. Financieri Epstein, i cili kishte njohje me Presidentin Donald Trump, ish-Presidentin Bill Clinton dhe Princin Andrew, më parë kreu një vit burg në Florida pasi pranoi fajin në vitin 2008 për trafikim vajzash nën moshë për qëllime seksuale.

Bashkëpunëtorja e kahershme e financierit Epstein, Ghislaine Maxwell, u transferua të martën në një burg të qytetit të Nju Jorkut që po përjeton raste me koronavirus dhe probleme të tjera. Ajo përballet me akuza se rekrutoi vajza për Epstein me qëllime për abuzime seksuale.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0