Moti i keq, dështon lançimi i SpaceX

Rreth 10 minuta para momentit të planifikuar për nisje, NASA pezulloi hedhjen në hapësirë të anijes SpaceX, si pasojë e motit të keq. Ekuipazhi do të fluturojë në drejtim të lindjes përtej Oqeanit Atlantik, kështu që vendet e planifikuara të uljes së urgjencës duhet të jenë të gatshme  për të marrë astronautët pasi të ulen me parashutë përsëri në Tokë dhe të zbresin mbi sipërfaqen e oqeanit. Një mundësi e dytë për lëshimin e Falcon 9 do të ishte pasditja e së shtunës.

Vonesa ishte një zhgënjim i madh për mijëra njerëz. Ata ishin mbledhur për të ndjekur nisjen e SpaceX. SpaceX, kompania e Elon Musk pritet që të hyjë në histori. Në bordin e Crew Dragon do të jenë dy astronautë të NASA-s, Koloneli i Marinsave në pension Doug Hurley dhe Koloneli i Forcave Ajrore Bob Behnken, ndërsa ky mision i jep fund një pauze nëntë vjeçare të agjencisë hapësinore.

Kur anija Atlantis u nis për herë të fundit nga Cape Canaveral më 8 korrik 2011, ajo drejtohej nga astronauti i NASA-s Doug Hurley. Tani gati një dekadë më vonë, Hurley është një nga dy pilotët e provës për anijen raketë krejt të re të prodhuar nga SpaceX për këtë fluturim. Presidenti Donald Trump dhe Zëvendës Presidenti Mike Pence shkuan në Cape Canaveral për të parë nisjen, ku lista e të ftuarve ishte mjaft e kufizuar, për shkak të pandemisë COVID-19. Para nisjes, Elon Musk dhe Administratori i NASA-s Jim Bridenstine, me maska mbrojtëse ishin të pranishëm në ndërtesën e Qendrës Kennedy për t’u takuar me dy astronautët.

Për ju që jeni kuriozë për të parë ngritjen e raketës nga toka, mund ta shihni ‘live’ në këto mënyra.

NASA TV

NASA TV, programi i transmetimit live të agjencisë, do të transmetojë live nisjes që fillon në mesditë me orën lindore të SH.B.A. Pasi Crew Dragon të jetë në orbitë, TV NASA do ta tregojë atë duke u futur në stacionin hapësinor, hapjen e anijes, dhe Behnken dhe Hurley që  bashkohen me ekuipazhin e Stacionit Ndërkombëtar Hapsinor. Kanali zyrtar televiziv i Agjencisë ka një program të plotë dhe përditësuar.

SpaceX

SpaceX do të mbulojë nisjen e saj live përmes kanalit të saj në YouTube. Transmetimi do të jetë në bashkëpunim me NASA, por John Insprucker – një inxhinier kryesor  në SpaceX – do të drejtojë pjesën më të madhe të komenteve për kompaninë e raketave.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale