Dështojnë sistemet e IT-së. Lufthansa anullon mijëra fluturime, pasagjerët mbesin rrugëve - Business Magazine Albania

Dështojnë sistemet e IT-së. Lufthansa anullon mijëra fluturime, pasagjerët mbesin rrugëve

Një dështim në sistemet teknologjike të Lufthansa bllokuan mijëra pasagjerë dhe detyruan anullimin dhe devijimin e mijëra fluturimeve në një nga aeroportet më të ngarkuara të Gjermanisë.

Linja ajrore fajësoi punimet e dobëta inxhinierike për një stacion hekurudhor aty pranë, si faktor kryesor që ka dëmtuar infrastrukturën e rrjetit të saj broadband.

Më shumë se 200 fluturime u anulluan në Frankfurt, një qendër jetike tranziti ndërkombëtar dhe një nga aeroportet më të mëdha të Europës, tha një zëdhënës i aeroportit.

Lufthansa më vonë tha se, të gjitha sistemet e saj të IT-së ishin në funksion përsëri dhe se priste që fluturimet në Frankfurt të ktheheshin në normalitet të enjten.

Lexo edhe: Bashkimi Evropian miraton rregullore të re për linjat ajrore pas kaosit në aeroporte

Aeroporte të tjera gjithashtu raportuan anullime si një efekt domino. Aeroporti i Parisit Charles de Gaulle tha se dy fluturime ishin anulluar dhe dy fluturime të tjera duhej të ktheheshin mbrapsht.

Aeroporti Schiphol i Amsterdamit, ndër më të ngarkuarit në botë, raportoi një anulim të një fluturimi për në Frankfurt.

Pasagjerët thanë në mediat sociale se kompania po përdorte stilolaps dhe letër për të organizuar nisjen e fluturimeve dhe se nuk ishte në gjendje të përpunonte në mënyrë digjitale bagazhet e pasagjerëve.

Në një postim në Twitter, Lufthansa tha: “Që nga mëngjesi i sotëm, linjat ajrore të Grupit Lufthansa janë prekur nga një ndërprerje në sistemet e IT-së, e shkaktuar nga puna ndërtimore në rajonin e Frankfurtit”.

Dështimi i sistemit IT vjen dy ditë përpara sulmeve të planifikuara në shtatë aeroporte gjermane që pritet të çojnë në ndërprerje të mëdha, duke përfshirë potencialisht Konferencën e Sigurisë së Mynihut ku pritet të mblidhen liderët botërorë.

/Reuters 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0