Shumë profesionistë, edhe pas 10 apo 20 vitesh karrierë, ndihen sikur ende nuk i marrin seriozisht në ambientin e punës. Sipas Melody Wilding, terapiste e licencuar dhe coach ekzekutive, arsyeja nuk lidhet me aftësitë teknike, por me mënyrën se si njerëzit komunikojnë dhe ushtrojnë ndikim.
Pas përvojës së saj me mijëra profesionistë të nivelit të lartë, Wilding thotë se ekzistojnë gjashtë veprime të thjeshta që bëjnë diferencën mes atyre që dëgjohen dhe atyre që injorohen, dhe që shumica absolute i anashkalon.
1. Mos i prezanto idetë, por “paketoji”
Ide të mira nuk mjaftojnë nëse nuk prezantohen sipas interesit të vendimmarrësve. Në vend që të flisni për detyrat që keni kryer, fokusohuni te rezultatet konkrete dhe ndikimi i tyre në biznes.
2. Foli më pak për të tingëlluar më i zgjuar
Shpjegimet e gjata shpesh duken si paqartësi. Të qenit i përmbledhur tregon kontroll dhe siguri mbi temën. Nëse nuk arrini ta përmbledhni një ide qartë, ndoshta nuk e keni kuptuar plotësisht.
3. Ndërto dakordësi para takimit
Mbështetja nuk fitohet gjatë takimit, por ditë më parë. Profesionistët e zgjuar diskutojnë idetë paraprakisht në biseda individuale, duke shmangur kundërshtimet publike dhe duke ndërtuar aleatë.
4. Ji vendimtar, jo gjithmonë “i saktë”
Paqartësia dëmton besueshmërinë. Udhëheqësit preferojnë një rekomandim të qartë, edhe nëse nuk është perfekt, sesa përgjigje të paqarta që shmangin përgjegjësinë.
5. Mos u bëj i pazëvendësueshëm
Nëse vetëm ti mund ta bësh një punë, atëherë e ke bllokuar vetë avancimin tënd. Dokumentimi i proceseve dhe ndarja e njohurive të bën më të promovueshëm, jo më të dobët.
6. Mos thuaj ‘jo’ shumë shpesh
Vendosja e kufijve është e rëndësishme, por refuzimi i vazhdueshëm krijon imazhin e një personi të vështirë. Në vend të një “jo”-je të prerë, ofro alternativa dhe zgjidhje.
Sipas Wilding, mënyra se si komunikoni u mëson të tjerëve si t’ju trajtojnë. Kur filloni të flisni dhe veproni si dikush që meriton të merret seriozisht, edhe të tjerët do ta bëjnë këtë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
