Nëse synon një rritje në detyrë, nuk mjafton vetëm të punosh fort. Ajo që thua, dhe mënyra si komunikon, mund të ndikojë drejtpërdrejt në mënyrën si shefat dhe kolegët të perceptojnë. Personat me inteligjencë emocionale dinë saktësisht çfarë të ndajnë dhe çfarë të mbajnë për vete në ambientin profesional.
Ja disa gabime të zakonshme që mund të të kushtojnë promovimin:
Të thuash se e urren punën tënde krijon imazhin e një personi negativ dhe të pakënaqur, duke ulur besimin që të tjerët kanë tek angazhimi yt.
Të kritikosh hapur paaftësinë e kolegëve nuk të bën të dukesh më i aftë, por më pasigurë dhe konfliktual. Në vend të kësaj, profesionalizmi kërkon bashkëpunim dhe mbështetje.
Të tregosh se po kërkon punë tjetër të kthen automatikisht në një investim të përkohshëm për kompaninë, duke ulur shanset për të marrë përgjegjësi të reja.
Të shpallësh drejtpërdrejt ambicien për promovim pa treguar rezultate konkrete mund të perceptohet si egoizëm dhe mungesë ndjeshmërie ndaj ekipit.
Të ndash histori të çuditshme nga e kaluara ose sjellje impulsive mund të dëmtojë imazhin tënd profesional dhe besueshmërinë.
Të flasësh për teprime me alkool apo festa krijon idenë e papërgjegjshmërisë dhe mungesës së stabilitetit.
Shakatë ofenduese, edhe kur duken të padëmshme, mund të shkatërrojnë marrëdhëniet profesionale dhe reputacionin tënd në pak sekonda.
Promovimi nuk varet vetëm nga aftësitë teknike, por edhe nga mënyra si sillesh, komunikon dhe ndërton imazhin tënd në vendin e punës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
