Danimarka në kërkim të emigrantëve për të plotësuar vendet vakante të punës

Danimarka në kërkim të emigrantëve për të plotësuar vendet vakante të punës


Paratë janë sigurisht një nga ato gjëra që e bëjnë një njeri të lumtur, por jo më e rëndësishmja.

Sipas institutit që ka krijuar indeksin e vendeve më të mira në botë për të jetuar, tek lumturia ndikon aksesi në internet, strehimi i lirë, siguracionet shëndetësore dhe liria e shprehjes.

Danimarka është pikërisht shteti më i mirë në botë për të jetuar, por jo gjithçka do të vijojë të shkojë vaj nëse danezët nuk do t’i përgjigjen një sfide në veçanti.

Sipas ministrit të financave të vendit, Kristian Jensen, Danimarka nuk po arrin të bindë dot profesionistë të kualifikuar që të japin kontributin e tyre në një ekonomi që tashmë përballet me mungesa në forcë pune.

Sipas ministrit, pjesë e problemit është perceptimi i gabuar se Danimarka është bërë më pak mikëpritëse ndaj të huajve. Mediat lokale kanë dhënë plot shembuj të ligjeve strikte të emigracionit.

“Është një synim i qartë i qeverisë të tërheqë punëtorë të specializuar në Danimarkë”, thotë Jensen.

Por përpjekjet e vendit për të komunikuar politikat emigruese botës së jashtme nuk kanë funksionuar gjithmonë. Shembull konkret është ligji famëkeq i bizhuterive, i cili lejon autoritetet e emigracionit të konfiskojnë mallra me vlerë nga azilkërkuesit.

Gjatë 16 viteve të fundit, Partia Liberale ka shtrënguar rregullat e emigracionit duke hequr edhe ndihmën ekonomike për azilkërkuesit, si edhe duke e bërë më të vështirë marrjen e shtetësisë daneze.

Por pa të huajt, Danimarka do të hasë shumë vështirësi për të zgjidhur mungesat në forcën e punës. Danezët duket se nuk janë të motivuar nga shkurtimi i taksave, çka normalisht do të shërbente si nxitës për rritjen ekonomike.

“Ne mund të rrisnim lehtë pjesëmarrjen në forcën e punës duke ulur disa taksa, por nuk ka oreks votuesish për politika të tilla. Danimarka është e çuditshme në aspektin që shkurtimet e taksave nuk janë popullore”, thotë ministri Kristian Jensen.

/ScanTv

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0