5 pacientë të rinj me koronavirus janë zbuluar 24 orët e fundit, duke e çuar totalin e të prekurve në 969. Të shëruar janë 13 qytetarë.
80% përqind e të infektuarve ose 771 prej tyre janë shëruar.
Ministria e Shëndetësisë ka bërë me dije se të infektuarit e rinj janë përkatësisht 3 në Durrës, 1 në Tiranë dhe një në Krujë. Të gjithë pacientët e rinj janë kontakte të rasteve të mëparshme.
Në 24 orët të fundit janë testuar 204 qytetarë të dyshuar, ndërsa që prej fillimit të marsit janë testuar mbi 13500 persona, prej të cilëve janë:
– 969 të infektuar,
– 31 viktima;
– 771 të shëruar,
– 167 të infektuar aktivë.
Gjendja në spitalin Infektiv paraqitet e qëndrueshme prej ditësh me 14 pacientë të shtruar dhe vetëm 3 prej tyre janë në terapi intensive.
Më pak se 15 për qind e të infektuarve kanë nevojë për trajtim spitalor.
Shpërndarja gjeografike e pacientëve aktivë deri më 21 maj është:
– Tiranë, 55 pacientë aktivë;
– Krujë, 31 pacientë aktivë;
– Shkodër, 10 pacientë aktivë;
– Kamëz, 9 pacientë aktivë;
– Durrës, 47 pacientë aktivë;
– Berat, 10 pacientë aktivë;
– Fier, 2 pacientë aktivë;
– Elbasan, 1 pacientë aktiv;
– Mirditë, 1 pacient aktiv;
– Korçë, 1 pacient aktiv.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
