Tashmë që virusi Corona është kthyer në një pandemi globale dhe numri i të prekurve po shtohet me ritme të shpejta, të dhënat dhe informacionet në kohë reale janë një domosdoshmëri.
covid-19 pasqyron të dhëna të përditësuara nga vendet e prekura me coronavirus, numrin e rasteve të konfirmuara, të viktimave, të shëruarve, etj. Statistikat përditësohen çdo pesë minuta. Gjithashtu, njerëzit mund të abonohen dhe të marrin njoftime në celular apo pajisje të tjera, sa herë që ka shifra të reja. Pra sa herë që ndryshojnë statistikat për numrin e shtuar apo të reduktuar të rasteve.
Krijuesi i këtij aplikacioni është zhvilluesi Blenard Pazari, pjesë e kompanisë New Media Communications.
“Dëshira për të dhënë kontribut në këtë situatë të vështirë dhe pasioni për teknologjinë, më nxitën të krijoja këtë aplikacion, në dobi të njerëzve”, thotë Blenardi.
Gjithashtu, faqja ofron një opsion të posaçëm me pyetjet më të shpeshta, që janë bërë për virusin COVID-19. Ju mund të informoheni në detaje lidhur me rrezikshmërinë, periudhën e inkubacionit, transmetimin, rregullat e higjienës, etj.
Përmes faqes ju mund të ndiqni zhvillimet e fundit nga Shqipëria dhe vendet e tjera të botës, që janë prekur.
Ju mund ta vizitoni faqen duke klikuar këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
