Personat e sëmurë gjenden në këto qytete:
— Në Tiranë: 38 persona;
— Në Durrës: 5 persona, përfshi një të moshuar që ndërroi jetë;
— Në Fier: 6 persona;
— Në Lushnje: 2 persona;
— Në Elbasan: 2 persona;
— Në Rrogozhinë: 2 persona.
Prej tyre, 25 janë të shtruar në Spitalin Infektiv të QSUT-së—tre prej të shtruarve janë në terapi intensive, mes të cilëve një 66-vjeçar nga Lushnja që ndodhet në gjendje më kritike.
Sot janë sjellë me urgjencë në Tiranë 2 persona të prekur, babë e bijë nga Fieri, të cilët ishin në karantinë në banesën e tyre, pasi gjendja e tyre është rënduar.
Të sëmurët e tjerë të shtruar janë në gjendje të stabilizuar deri në këto momente.
Personat e tjerë të infektuar janë në gjendje të mirë shëndetësore, të izoluar në banesat e tyre.
Tetë prej të prekurve janë personel mjekësor.
Personeli mjekësor është në gjendje të mirë shëndetësore, pa simptoma dhe i vetëkarantinuar. Spitali Shefqet Ndroqi do të vihet në dispozicion të të prekurve me COVID-19, për të lehtësuar fluksin në QSUT. 2200 vullnetarë do t’u bashkohen peronelit mjekësor aktual, në trajtimin e rasteve të prekura me virusin Corona.
Është e rendësishme të ruhet distancimi social, higjiena dhe përgjegjshmëria vetjake. Vetëm duke qëndruar në shtëpi mund t’ia dalim duke thyer zinxhirin e të infektuarve, u tha në komunikimin e Ministrisë së Shëndetësisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
