Një paciente 72-vjeçare humbi jetën më 9 prill në spitalin Infektiv. Ajo vuante nga disa sëmundje të tjera si sëmundje e veshkave, tiroidet dhe tensioni i gjakut dhe ishte në terapi intensive prej disa ditësh. Në total numri i viktimave është 23.
17 pacientë u shëruan këto 24 orë duke e çuar totalin e të shëruarve në 182, ose sa 45 për qind i totalit të të infektuarve. Në informimin e përditshëm nga ISHP, Marjeta Dervishi njoftoi se harta e të prekurve nga COVID-19 në 24 orë është zgjeruar në Tiranë dhe Shkodër.
Në 24 orët e fundit janë testuar 162 persona, ndërsa në total janë testuar 3385 raste dhe janë konfirmuar:
– 416 persona të prekur nga koronavirusi,
– 182 të shëruar,
– 23 kanë vdekur,
– 50 persona janë të shtruar në spitalin Infektiv, 6 prej tyre janë në terapi intensive, 1 pacient është i intubuar.
– 6 persona janë të shtruar në Sanatorium, 4 pacientë janë të intubuar.
Në total në të dy spitalet janë 56 persona janë të shtruar.
Përhapja e koronavirusit deri më 10 prill është sipas këtyre qyteteve:
— Në Tiranë: 199 persona;
— Në Durrës: 38 persona;
— Në Fier: 32 persona;
— Në Lushnje: 5 persona;
— Në Elbasan: 15 persona;
— Në Rrogozhinë: 4 persona;
— Në Kavajë: 8 persona;
— Në Korçë: 17 persona;
— Në Vlorë: 5 persona;
— Në Shkodër: 49 persona;
— Në Lezhë: 14 persona;
— Në Has: 12 persona;
— Në Berat: 2 persona;
— Në Krujë: 5 persona;
— Në Tropojë: 4 persona;
— Në Pukë: 4 persona;
— Në Mirditë: 3 persona.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
