Niveli i infektimeve është ulur në Shqipëri dhe situata e Covid është përmirësuar, sipas të dhënave të fundit. Ndaj, Komiteti Teknik i Ekspertëve ka vendosur të lehtësojë masat në përputhje me situatën. Duke nisur nga kjo e Enjte, 3 Mars nuk do të aplikohet më ora policore.
Znj. Mira Rakacolli ka theksuar se, “Kemi një situatë më të favorshme epidemiologjike se javën e kaluar dhe tendenca e këtij përmirësimi duket që do jetë e qëndrueshme
Sipas Komitetit Teknik:
1-Ata që janë të infektuar me virusin Sars Cov 2, dhe rezultojnë pozitiv me Covid do të qëndrojnë të izoluar për 5 ditë, nga 10 ditë që ishte më parë;
2-Vaksinimi është i këshillueshëm të fillojë që nga mosha 12 vjeç;
3-Qytetarët që hyjnë në Shqipëri duhet të paraqesin pasaportën e vaksinimit ose testit PCR negativ të kryer 72 orë para nisjes. Ata që nuk i kanë këto dokumente duhet të qëndrojnë të izoluar për 5 ditë. Përjashtohen nga ky rregull fëmijët deri në 6 vjeç;
4-Në aeroporte do të lejohet të futen vetëm pasagjerët që udhëtojnë;
Lexo: Rise mbështet dy startup-e të biznesit social
5-Hiqet ora policore. Këto masa rekomandojmë të fillojnë që në datën 3 mars”, deklaroi zv/ministrja e Shëndetësisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
