COVID-19, Google shtyn hapjen e zyrave

Kompania Google ka shtyrë rihapjen e zyrave të saj në SHBA me dy muaj, pra deri në muajin shtator, për shkak të rritjes së re të infeksioneve në disa shtete amerikane. ”Të gjitha zyrat e SHBA-së do të qëndrojnë të mbyllura deri në të paktën 7 shtator”, theksoi kompania në një komunikim të brendshëm, referuar nga ”Bloomberg”.

Sipas planeve të mëparshme, të njoftuara nga CEO Sundar Pichai në maj, rihapja duhej të kishte filluar më 6 korrik, me kufizime në 10% të kapacitetit të zyrave. “Megjithëse kushtet ndryshojnë nga shteti në shtet, ne duhet të shohim që këndvështrimi i SHBA-së në tërësi është i qëndrueshëm para se të ecim përpara’’, shkruajti në shënim Chris Rackow, nënkryetar i sigurisë globale.

“Siç tregojnë të dhënat e kohëve të fundit, Covid-19 është ende shumë aktiv në komunitetet tona”, shtoi ai.

ANSA

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale