Fëmijët po përgatisin listat e tyre të dëshirave, ndërsa prindërit po përgatiten për të blerë dhuratat këtë sezon festiv. Sipas një sondazhi të realizuar nga Intuit Credit Karma, artikujt më të kërkuar nga fëmijët këtë vit përfshijnë lodra dhe teknologji, si Barbie, Legos, iPhone 17 dhe Oura Ring.
Përveç lodrave dhe pajisjeve elektronike, bileta për evente të ndryshme argëtuese, si koncerte apo ndeshje sportive, janë gjithashtu të popullarizuara, me rreth 32% të prindërve që presin t’i kërkohen nga fëmijët e tyre. Edhe pse duket se ethet për kukullat koleksionuese Labubu janë zbutur këtë vjeshtë, 28% e prindërve presin t’i kërkohet një e tillë.
Mesatarisht, prindërit planifikojnë të shpenzojnë rreth 1,007 dollarë për dhurata këtë vit, një nivel pak më ulët se 1,014 dollarë në 2024, por më i lartë se 923 dollarë në 2023. Çmimet variojnë nga Barbie 10-45 dollarë, deri te iPhone 17 që fillon nga 799 dollarë dhe kukullat Labubu rreth 28 dollarë.
Ekspertët paralajmërojnë se, përveç zgjedhjes së dhuratave të duhura, prindërit duhet të mbajnë nën kontroll shpenzimet për të mos vënë në rrezik financat familjare, duke u fokusuar te zgjedhjet e qëllimshme dhe duke shmangur blerjet impulsive. Sezoni festiv mund të jetë i bukur, por duhet të mos kushtojë më shumë se ç’duhet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
