Çfarë mësova unë nga ky fluturim?

fluturim

Nga Shpresa Rupar

Përshëndetje krijues/-se,

Dje gjatë ecjes dhe rutinës sime të mbrëmjes, pashë një tufë zogjsh që fluturonin së bashku në qiellin gjysëm të kuq, – dje ishte një nga ato mbrëmjet e bukura, të flakta.

Ajo tufë më kujtoi studimin e viteve të fundit të kryer nga shkencëtarët për zogjtë që fluturojnë në formë ”V-je”.
Kur ata, me krahët e tyre, gjatë shtegëtimit në vende të tjera, ngrihen apo dalëngadalë ulen, sikur vallëzojnë, ne thjesht mund të shijojmë shfaqjet e tyre të mrekullueshme në hapësirën e pafund mbi kokat tona.
Zogjtë mund të jenë burim frymëzimi, në momentet kur me krahët e tyre të lehtë braktisin Tokën për t’u ngritur mbi diçka për ne ”pa krahë” të pakapshme, mund të jenë lajmëtarë të diçkaje më madhore…. dhe kjo thjesht me një ngritje kaq të lehtë krahësh, apo ashtu si kuptuan shkencëtarët, me një vibrim dhe koordinim fantastik mes tyre…, ata fluturojnë të lirë drejt lirisë.

Shkencëtarët mendojnë se grupet e zogjve organizohen në mënyrë të tillë për të kursyer energji. Mekanizmat e ndërlikuar të tyre, mekanizma që i përdorin gjatë fluturimit në formë ”V-je”, tregojnë për aftësinë e tyre të jashtëzakonshme për të kuptuar strukturat hapësinore dhe për të kuptuar gjithë grupin në mënyrë që të mirëfunksionojnë.

Kjo lëvizje aerodinamike në formë ”V-je”, bën që ata me lëvizjet harmonike të krahëve të tyre, të kenë më shumë nën kontroll hapësirën ku ata fluturojnë; – po, zogjtë e kanë të qartë që nëse bashkërendojnë veprimet, lëvizjet e krahëve, ata si komunitet munden të arrijnë më shpejt në destinacionin e tyre, shumë më shpejt se një shtegtar vetmitar.

Ashtu si zogjtë ”V”, edhe ne kur ndjejmë prezencën e të tjerëve që ecin krah nesh, mundemi të arrijmë thuajse gjithçka.

Duke mësuar nga njëri-tjetri, duke mbështetur njëri-tjetrin, ne të gjithë mund të ndihemi shumë më të fuqishëm për të guxuar për të ”fluturuar” në hapësirat e paeksploruara, për të ndërmarrë sfida që ndoshta na frikësojnë, për të hedhur hapa që ndoshta na tmerrojnë.

Vetëm së bashku ne mund të ndjejmë forcën dhe kurajon që na japin të tjerët që ecin bashkë me ne, ose krah nesh, sepse shpesh vetëm thejsht prezenca e tyre, na jep krahë, shpresë, forcë, na mbush me optimizëm gjatë udhëtimit të jetës.

Kur jeta na jep ”dhurata” të padëshiruara, janë krahët dhe hapësira që na krijojnë familjarët dhe miqtë që na ndihmon, dhe që një ditë ndihmon edhe ata, kur kanë nevojë.

Kur kemi këta krahë dhe hapësirë, kur edhe vetë ofrojmë këta krahë dhe hapësirë edhe jeta jonë merr kuptim, se ne ”fluturojmë” për një qëllim.
Kur kemi këta krahë dhe hapësirë, edhe dita jonë kalon si një fllad i lehtë pranveror, sepse edhe nëse gjatë fluturimit herë pas here nuk mundemi të ”fluturojmë”, ne thjesht mund të kthehemi për ndihmë.

Po, ne së bashku mundemi të lëvizim më shpejt, sidomos kur si ekip, si grup kemi njohuritë e duhura.

Do doje edhe ti të ishe pjesë e një grupi të tillë?
Do doje që së bashku të mësonit gjëra të reja në mënyrë që fluturimi yt drejt hapësirës të bëhej më i lehtë?

Atëhere mos hezito, bëhu pjesë e grupit fantastik, ju së bashku forconi krahët për të fluturuar drejt hapësirave të ëndërrave tuaja.

Je gati?
Edhe 40 ditë na ndajnë!

REGJISTROHU KËTU

Ke pyetje?
Më shkruaj: [email protected]

Të ftoj të marrësh një vendim për fluturim.
Mos prit gjatë.
Dëgjo veten, dëgjo zërin tënd të brendshëm.
Mos hezito.
Merr një vendim sot, TANI dhe KËTU, dhe fillo me hapin e parë drejt jetës së re, fillo udhëtimin për realizimin e objektivave të tua.

Me ne fluturimin dhe rrugën e ke më të lehtë!

Për më shumë rreth përmbajtjes,  KLIKO KËTU.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale