Bursa Shqiptare e Titujve ka realizuar këtë javë një transaksion të letrave me vlerë në monedhën euro. Në njoftimin e saj zyrtar, ALSE vëren se transaksioni është kryer në obligacione thesari të qeverisë shqiptare.
Në transaksionin e parë në euro, u tregtuan gjithsej 96 obligacione, me vlerë totale rreth 96 mijë euro.
Krahas borxhit të jashtëm, Qeveria shqiptare ka obligacione në euro të blera në tregun e brendshëm financiar. Kjo është përvoja e parë që i hap rrugë edhe tregtimit të obligacioneve në euro në Bursën Shqiptare të Titujve.
ALSE ka ftuar publikisht investitorët e interesuar t’u drejtohen brokerave anëtarë të bursës për të kryer transaksione me këto tituj. Aktualisht, Bursa numëron katër anëtarë me aktivitet në sektorin bankar: Banka Credins, ABI Bank, Tirana Bank dhe Banka Ndërkombëtare Tregtare.
Lexoni: Krijohet Bursa e Titujve. Nis tregtimi i titujve të qeverisë përmes bursës
Edhe në këtë rast mundësia e tregtimit është me ofertë private, pra jo e hapur për publikun e gjerë por për kompania me përvojë e të konsoliduara në treg.
Bursa Shqiptare e Titujve u licencua vitin e kaluar. Deri vitin e ardhshëm ajo pritet të menaxhojë operacione me ofertë private, kur pritet të hapet edhe mundësia e një tregu të liberalizuar titujsh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
