Nëse do të më kishit thënë para pak vitesh se njerëzit do të blinin veshje që nuk i veshin kurrë fizikisht, do t’ju mendoja për të çmendur. Sot? Është një nga tendencat më të pazakonta e njohura në modë dhe teknologji. Dhe e gjitha nisi në… Zagreb.
View this post on Instagram
Tribute Brand, një startup nga Kroacia, ka thyer çdo rregull të modës. Nuk ka atelie. Nuk ka copa. Nuk ka zinxhir prodhimi. Por ka klientë në mbarë botën, bashkëpunime me artistë si Charli XCX dhe investime miliona dollarëshe nga firmat më të njohura në teknologji.
Çfarë shesin? Rroba që nuk ekzistojnë.
Veshje digjitale që aplikohen në fotot e tua, për Instagram, TikTok apo avatarin në Metaverse. Krijime futuriste, të pamundura për t’u realizuar në botën reale, por perfekte për botën digjitale, atë ku ne sot kalojmë më shumë kohë se në realitet.
Tribute nuk është thjesht një brend. Moda nuk është më material, është përvojë, është identitet online, është pikërisht ajo që je kur del përpara botës… në një ekran.
Dhe ndryshe nga industria tradicionale e modës, kjo nuk ndot, nuk prodhon mbetje, nuk ka stoqe të tepërta. Zero mbetje. Zero transport. Zero rrisk.
Vetëm stil. Vetëm të ardhme.
Nëse kjo ju duket absurde, kini parasysh, kjo kompani nga Ballkani është në pararojë e një industrie që shumë marka të mëdha po përpiqen ta kuptojnë, por ende nuk e kanë kapur dot.
Ky është lajmi:
Moda e re nuk vishet. Ajo klikohet. Dhe shitet shtrenjtë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto