Borxhi i jashtëm bie me 100 mln euro në tremujorin e tretë

Të dhënat më të fundit nga Banka e Shqipërisë tregojnë se stoku i borxhit të jashtëm bruto ka rënë në tremujorin e tretë të vitit. Në këtë periudhë të vitit, sipas statistikave të BSH-së,  borxhi i jashtëm bruto i Shqipërisë ishte 8.83 mld euro, nga 8.93 mld euro që ishte në tremujorin e dytë.

Rënia është në 100 milionë euro, ose 1.12%. Pavarësisht rënies së lehtë të stokut të borxhit gjatë tremujorit të tretë të vitit, shifra është e dyta më e lartë e regjistruar ndonjëherë, pas asaj të tremujorit paraardhës.

LEXO: Pse të sigurosh faljen e borxhit për vendet e varfra është kaq e vështirë?

Në të njëjtën kohë, shifrat  tregojnë se borxhi i  qeverisë qendrore zë gati gjysmën e borxhit të jashtëm bruto, normë kjo në rënie mjaft të lehtë krahasuar me tremujorin paraardhës. Në vend të dytë ndjek investimi direkt dhe në vend të tretë korporatat depozituese.

Për sa I përket fatit të maturimit të borxhit, pjesën më të madhe e zë borxhi afatgjatë, me 93% të totalit, ndërkohë që vetëm rreth 7% janë borxhe afatshkurtër.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale